馮素波雖然年屆79歲,但仍緊貼潮流,積極經營社交平台和YouTube頻道《貼地嫲嫲馮素波》,近日佢就分享與好友張達明嘅合照,寫道:「開心見老友,係咪好sweet呢,大家都身體健康,精神不褪色」。從照片所見,馮素波和張達明於美利酒店打卡熱點手拖手合影,氣氛相當歡愉,不過身穿波點恤衫嘅張達明身形比以往消瘦,面色灰沉,身體狀況令人擔憂。
韓國娛圈呢期最爆新聞,應該係女團NewJeans幕後推手、娛樂公司ADOR高層閔熙珍,被爆有意策動叛變令ADOR脫離母公司HYBE,而HYBE亦指閔熙珍瀆職而要求閔辭職。終於閔熙珍尋日舉行記者會,瘋狂爆粗兼瘋狂爆料,反指HYBE對佢打壓,成為網路最熱話題。以下係呢次事件小筆記 -
由ViuTV主辦的樂壇頒獎典禮《Chill Club 推介榜年度推介23/24》將於5月12日假亞洲國際博覽館舉行,曾參加《全民造星IV》的獨立歌手何佩(Jamie)入圍「CHILL CLUB」年度新人女歌手,競爭對手包括同為《造星IV》的COLLAR成員邱彥筒(Marf)、何洛瑤(Sica)、楊安妮(WinWin)、STRAYZ成員榛綦、暐翹、趙展彤(Val)等,未知獎項最終花落誰家。
2016年參選港姐入行嘅蘇韻姿(Andrea),憑TVB處境劇《愛·回家之開心速遞》「紅衫魚」熊心如一角成功入屋,但疑因工作態度問題未有改善而遭雪藏,上年年初劇情交代熊心如要跟前男友朱天梯(梁証嘉飾)到歐洲視察廠房離開香港,之後就再冇喺《愛·回家》出現,去到今個月頭佢就喺社交網站出PO宣布離巢消息。雖然佢已經離開TVB,不過《愛·回家》熊家人都有為佢慶生,令佢感動不已。除咗熊家人之外,另一離巢小花朱智賢(Ashley)亦有同佢食飯慶祝生日。
鍾欣潼(阿嬌)近年轉戰拍攝內地綜藝節目和網絡電影,於3年內已主演咗5套網大,包括《封神:妲己》、《青蛇:前緣》、《女囚風暴1995》等等,被內地網民大讚演技出色。近日,阿嬌最新作品《畫皮:情滅》開播,於劇中化身癡情龍女,由少女演到人妻,不過反應兩極,有網民嫌棄43歲阿嬌演少女牽強,又有網民認為阿嬌顏值仍然高企。
阿媽唔易做,更何況要湊2個?前港姐冠軍楊思琦近年主力發展內地市場,而家內地唔少網紅都做直播賺打賞,思琦妹都做埋一份。有網民就留意到,楊思琦幾乎晚晚都開直播,甚至到深夜都仲見到佢。據知,楊思琦雖然密密開直播,但人氣一般,以內地市場而言同一般直播主差唔多。
上個月先喺《亞洲超星團》決賽正式出道嘅男團LOONG 9,出道未夠2個月就新聞多多-首先團名被網民恥笑係「龍九」,然後成團一個月內突然宣布加多3名成員,而3人都係來自負責管理LOONG 9嘅內地娛樂公司樂華藝人。至於原本LOONG 9嘅三名香港成員冼靖峰、黃奕斌同文佐匡被指受冷待,LOONG 9進行正式集訓更唔見三位「香港代表」,網民大鬧係「用完即棄」。另外在《亞洲超星團》中表現出色嘅趙天翼最終未能入團,引發fans不滿,有關方面疑似為平息民憤,宣布聘請趙天翼為「LOONG 9兒童藝術教育公益大使」。
文詠珊(Janice Man)與富三代老公吳啟楠(Carl)於2019年結婚,雖然婚後與老公長駐上海,但仍堅持幕前工作,去年更因內地懸疑電影《消失的她》成為「億萬票房女星」,演技受到肯定。Janice Man除咗透過演技撇甩當年「模」形象,近年亦被指其JM Tone英語大有進步;最近Janice Man現身上海出席品牌活動,更被野生捕獲與外國高層用流利英語傾偈。
TVB劇集《逆天奇案2》由陳展鵬、林夏薇、馮盈盈、黃智賢及蔣祖曼等人主演,劇集自播出以嚟收視不俗,但口碑就認真一般。去到噚晚(24日)嗰集,鍾大狀Hazel(蔣祖曼飾)喺打爭產官司時,竟然拎咗幾張藝人撞樣嘅拼圖,去證明就算外貌相似都可以冇血緣關係,引起網民熱烈討論。
由ViuTV主辦的樂壇頒獎典禮《Chill Club 推介榜年度推介23/24》喺今日下午舉行記者會,宣布頒獎典禮將於5月12日假亞洲國際博覽館舉行。記者會邀請一眾歌手及組合到場,期間率先公布本年度頒獎禮嘅入圍名單,出席歌手包括MIRROR、ERROR、COLLAR、P1X3L、Jeffrey Ngai 魏浚笙、ToNick、Gin Lee李幸倪、Cloud雲浩影、及許廷鏗等等,難得有咁多歌手在場拉票,不少粉絲都有到場支持偶像,場面非常熱鬧。
TVB Plus全新互動靈異資訊綜藝直播節目《直播靈接觸》,搵嚟「鬼王」梁思浩坐陣,噚晚(23日)邀請鄧兆尊及其女友「三奶」陳妙慧(Nana)擔任嘉賓,期間仲講到原來佢同鄧兆尊嘅「媒人」係已故嘅粵劇名伶「祥哥」新馬師曾。
ViuTV訪談節目《導演 • 門2》回歸,搵嚟陳詠燊、馮志強、黃綺琳、甄栢榮及盧鎮業(小野)擔任主持,每集邀請一位資深導演及一位後浪導演擔任嘉賓,而第一集嘅嘉賓就係導演爾冬陞和新晉導演簡君晋,期間導演爾冬陞在大爆同張柏芝嘅離譜合作史。
張可頤早年主力發展內地市場,開設經紀公司做老闆,參與內地綜藝節目《無限超越班》和幕前演出;香港市場方面,對上一次參演劇集已是4年前ViuTV《暖男爸爸》,電影則是賀歲片《臨時劫案》。日前,有傳張可頤事隔12年後回巢拍攝有醫療版《新聞女王》之稱嘅《巨塔之后》。《巨塔之后》為TVB與內地視頻平台優酷合作嘅劇集,以醫療作題材,有消息指演員陣容包括張可頤、陳煒、劉佩玥、陳展鵬、吳若希、張頴康等人,馬國明和蕭正楠則有份客串演出;拍攝日期將定於5月,除咗喺香港拍攝,更會到深圳和歐洲取景。
《逆天奇案2》其中一個單元描述賊王石少波放監前一個月竟然選擇逃獄,被黃智賢等人大舉緝捕。飾演賊王嘅資深演員張雷,喺《逆天2》露上半身舉啞鈴又做掌上壓,睇落fit過唔少後生;劇中佢仲要逃避追捕,但似乎氣定神閒,原來平時有練開!
《明知故犯》、《傾城》等原唱者新加坡歌手許美靜,早前到南京舉行「見面音樂會」,但有觀眾表示,整個演出許美靜只係唱咗半個鐘,成個show大部份時間係同歌迷傾偈互動,甚至由樂隊代唱部份經典歌,引發觀眾不滿,紛紛要求退票。但根據報導,主辦單位唔肯回水之餘,更加話要求退款係「發夢」,有報導指南京文旅局已經展開調查。
楊千嬅由去年5月展開世界巡迴演唱會《楊千嬅MY TREE OF LIVE 世界巡迴演唱會》,日前(20日)舉行嘅成都場就以33 首全廣東歌歌單打動一班粉絲,全場歌迷熱情地高舉手上電話作應援,令楊千嬅感動落淚,連歌都唱唔到落去。
香港藝人同卡通人物撞樣都唔係咩新鮮事,除咗經典嘅鄧梓峰同巴斯光年及元華同吉他他老伯之外,TVB金牌綠葉戴耀明亦同《一拳超人》主角埼玉激似樣,幾年前「神還原」角色深入民心。近日佢喺社交網站上載裸露上半身大騷手臂線條嘅照片,現時嘅鋼條身型令佢同埼玉更加似。
2016年落選港姐單文柔(Phoebe),喺2018年嫁年長13年「視帝」陳展鵬(煎Pang),翌年誕下一女「小豬比」陳諾瑤(Quinta),婚後慢慢淡出幕前專注照顧家庭及轉型做KOL,一家三口幸福美滿。近日係單文柔嘅34歲生日,佢喺IG上載照片與網民分享,其中一張相片老公陳展鵬疑刻意遮肚,結果引起再度懷孕疑雲。
現年38歲陳嘉佳(細細粒)自約滿TVB後轉戰內地做「吃播主」,靠食嘢打響名堂,佢曾透露自己每日直播7個鐘,有時食到唔想食都要夾硬食,體重高峰期曾達287磅,唔少網民都替佢健康感到擔心。細細粒去年開始積極減肥,至今減逾過百磅,身形足足瘦咗幾個碼,不時大騷鎖骨同膊頭,,被網民封為「港版賈玲」。近日佢前往澳州悉尼,到海邊打卡後將相片上載到社交網站,不過新相面骨不自然地凸出,引起網民熱烈討論。
MIRROR日前完成北美巡迴演出回港,成員Anson Lo盧瀚霆及姜濤歌迷喺機場等候時因為霸位問題而發生衝突,有神徒(Anson Lo fans)聲稱被人推跌受傷,現場有人報警求助。事發後Anson Lo接受訪問時話「如果大家為咗支持我而受傷,我覺得好唔值得」,表明當然唔想類似「機場事件」再發生,佢重申安全最緊要,但係各方面仲搵緊方法去解決。
早前MIRROR完成北美巡迴演出回港,其中Anson Lo盧瀚霆及姜濤歌迷天未光就喺機場等候,而兩派fans更因為霸位問題而起衝突,有神徒(Anson Lo fans)更聲稱被人推跌而受傷。
早前劇集《婚後事》起用新加坡歌手許美靜原唱嘅《傾城》做插曲。許美靜呢位90年代到港發展大受歡迎嘅女歌手,近年重返大舞台,早前更到南京舉行「見面音樂會」,最高票價去到1280元人民幣,拍得住香港紅館show頂級票價。但有觀眾表示,整個演出許美靜只係唱咗半個鐘,成個show大部份時間係同歌迷傾偈互動,甚至將部份經典歌由樂隊代唱,引發觀眾不滿,紛紛要求退票。
90後抗癌YouTuber張天允(Tiffany),曾參與ViuTV節目《對不起幫緊你》及《21克公寓》做嘉賓。佢喺27歲嗰年確診子宮頸腺癌2B期,熱愛生命嘅佢表現堅強,一直勇敢抗癌,可惜上月病逝,終年32歲。
曾參與ViuTV選美真人騷《最後一屆口罩小姐選舉》嘅「孖四」張凱莎(Belle),12強止步後繼續進軍娛樂圈,可惜演藝事業發展平平,最後重投空姐工作。喺今日(21日),佢突然喺IG連環出8個限時動態,疑似哭訴拍攝時被化妝師屈整容。
2022年香港小姐冠軍林鈺洧(Denice)曾預告將加盟TVB處境劇《愛.回家之開心速遞》劇組,而近日於《愛.回家》演員發布嘅照片中亦見林鈺洧蹤影,估計林鈺洧已開始拍攝,係繼2023年落選港姐郭珮文(Juliana)加盟後,第二位加入嘅新成員。據悉,林鈺洧將飾演接龍初戀Cafe侍應之一,角色設定為男仔頭形象。
52歲黎姿(現名馬黎珈而)由演員轉型至商人多年,美容王國打理得有聲有色。日前,TVB高層樂易玲於社交平台分享與黎姿和英皇娛樂演唱會部總監馮貽柏(Alex Fung)合照,惹網民無限遐想
現年51歲嘅樂壇天后鄭秀文(Sammi),自上年因生病而全面停工,直至近日陸續恢復工作,除咗現身金像獎頒獎典禮為「最佳女主角」擔任頒獎嘉賓之外,佢仲積極為演唱會進行練習。近日佢喺社交網站突然聲稱自己係「高齡產婦人士」,結果引起網民熱議兼瘋狂留言。不過今日凌晨,Sammi就喺IG出PO回應生B傳聞。
內地湖南衞視著名歌唱節目《歌手》(前名:《我是歌手》),參賽者都喺華語樂壇有一定知名度,由一眾實力派歌手同台競賽,節目吸引大批觀眾支持,不過可惜喺2020年播出最後一季。估唔到,嚟到四年後嘅就傳出《歌手2024》重啟消息,近日官方已經喺微博上載大眾聽審團招募信息嘅照片,更傳出節目組已經初步確定首發歌手名單。 消息曝光後,吸引大批網民熱烈討論。
TVB歌唱選秀節目《中年好聲音2》冠亞季軍喺月尾出爐,節目好評如潮,連帶一班參賽者人氣爆升。近日18位中二生順利完成一連兩場《中年好聲音2隆重登場慈善演唱會》,演唱會觀眾席爆滿,吸引唔少粉絲捧場,當中包括入場支持「人氣王」譚輝智嘅狄波拉(拉姑),而且仲精心準備驚喜送畀譚輝智。
馮德倫同舒淇2016年突然宣布結婚至今已經8年,而二人仍不時放閃。早前馮德倫趁舒淇生日,post咗太太多年前影嘅娘爆造型照,舒淇就幽默留言「算盤已備好」,暗示叫老公跪算盤謝罪,網民睇見都話甜到爆。