51歲鄭秀文自認「高齡產婦」 凌晨出PO搞笑回應

現年51歲嘅樂壇天后鄭秀文（Sammi），自上年因生病而全面停工，直至近日陸續恢復工作，除咗現身金像獎頒獎典禮為「最佳女主角」擔任頒獎嘉賓之外，佢仲積極為演唱會進行練習。近日佢喺社交網站突然聲稱自己係「高齡產婦人士」，結果引起網民熱議兼瘋狂留言。不過今日凌晨，Sammi就喺IG出PO回應生B傳聞。

喺今日凌晨，鄭秀文就生B傳聞喺IG出PO回應，原來佢係將高齡婦人誤打成高齡產婦：「大意的mi， 在其中一個po, 手快快兼老花，本來想將自己形容為「高齡婦人」，但誤打成「高齡產婦」。親愛的歌迷們，不用疑問了。Mi冇秘密生B. 生肌肉就有, 你睇我手瓜仔起輾。#純粹打錯字 #係時候換一副新的老花眼鏡」。

一班網民知道係一場誤會後，紛紛留言：「真係俾你笑鬼死，其實一早有留意到，但冇在意，因為估到你實係打錯字 真係蝦碌Mi 最估唔到嘅係出埋新聞」、「產婦mi, 生產多幾首好聽嘅歌，好正嘅演唱會」、「天啊 哈哈哈哈 真系好好笑哇媽Mi 妳怎麼這麼可愛 這麼靚呢～」、「呢位婦人太可愛了 Kawaii呢」、「真係美麗的誤會」、「早日心想事成」、「睇就知道肯定係打錯字」、「一早就知妳打錯字啦哈哈哈，可愛又索爆嘅Mi」及「演唱會就係Mi嘅BB, 俾足養份預備喎」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！do