【胡．說樓市】香港70萬有車有樓仲有地!?

香港地70萬可以有車有樓，你信唔信？仲要做埋地主，係咪好夢幻？呢個可能只會出現於夢境的情節，確實活生生於香港地發生，想知邊到？不如去片睇睇~

150呎空間，有齊一屋基本設施，廚櫃面雙爐頭、底下有焗爐，洗手盤上蓋設揭板增加枱面空間，旁邊洗手間企缸、鏡身、座廁一應俱全，還有抽氣扇。室內最多容納五至六個人，除了上下格床各睡兩個人，將二人餐枱收起，又可變一張單人睡床。

這裡不是遊艇、不是住宅，而是一架二手露營車，最低八萬元可進駐。但泊在哪裡？負責人話最理想坐擁1,000呎農地，地皮市價50至60萬。有公司包辦搵車搵地服務，擺車之餘、前方農地可以種菜、種花，還會協助露營車主駁水駁電，車身有專用位置儲污水吸糞，鼓勵循環再用。

車連地七十萬，就可以享受另類空間，但是否真的可以住人？露營車可人手移動，不是固定建築物，放在農地未必違反地契，但負責人建議有疑問，最好再問清楚地政總署。

不過如果出租，因為受民政事務署規管，就需申請旅館牌照。因為早前有法庭案例，就指出「旅館條例」下所指的「處所」，是包含「露營車」，所以要取牌。

當香港人生活空間愈住愈細，旅居於這種露營車又會否成為新的生活模式呢？