【胡．說樓市】蝸居走和風設計！裝修時可考慮咩元素？

香港人鍾情日本就係人都知，原來都有唔少業主都鐘意日式室內設計風格！不過香港單位咁細，普遍港人又多雜物，究竟點樣先可以滿足願望？或者呢個單位俾到靈感你！

今次的設計單位位於沙田欣廷軒。三百餘呎的蝸居，要迎合戶主兩夫婦對日式文化的喜好，同時又要兼顧收納雜物，是設計上的最大難題。在客飯廳設置大型地台，只要在地台上鋪砌榻榻米，置中放小型茶几，已可營造日本和居風味。

而且地台下方具備儲物空間，近大門又設頂組合櫃，變相也解決了戶主大量雜物的問題。但要將日式情懷發揮到極致，除了用色講求柔和，窗台前方的活動屏封也不可或缺，皆因屏風用上一般日本臥室所使用的和紙，既保障戶主私隱外，亦不阻礙透光。

戶主兩夫婦飼養了一隻貓咪，需在狹小空間內尋找放貓厠所地方，設計師Heiman決定在地台下另闢貓咪專屬位置，利用摺板收藏起來。

走入睡眠區，原本兩間睡房打對角擺，但每間睡房面積相對狹細，設計師決定將睡房打通，其中一邊闢作衣帽間。L形衣帽間沿牆身而建，外望沒什麼特別，但只要細心打開衣櫃卻是內藏乾坤。至於另一邊就做了上一級地台床，旁邊放小型梳妝台。睡房二合一後，也成功擴大蝸居視野。