【胡．說樓市】海之戀交樓出事 油漆鴛鴦色、起皮齊晒！

賣樓時萬人空巷，累收達14,500票，長實於荃灣西的新盤「海之戀」交樓，實用773呎的三房單位內櫳質素未算馬虎。不過油漆就出晒事，鴛鴦色、起皮全部有齊！究竟全個單位值幾多分？

先講全屋最失分位，全集中於靠近大門的房間，驗樓師詹濟南用拉尺量度牆身，發現一邊牆腳至階磚邊長約175毫米，而另一邊則190毫米，兩邊牆身出現15毫米差異。牆身傾斜難補救，這間客房連接大塊玻璃窗，可近距離跟露台對望，不單止私隱一覽無遺，望望窗框與窗台駁口，手工也粗糙。

全屋第二個失分位就要數到油漆，不單止近廳房出事，就連主人房也有同樣問題，抬頭望不時出現兩截顏色，跟工人手工馬虎有關。詹SIR直指，單位的油漆做得不是太理想，有些牆腳較為粗糙，牆頂有些夾口出現鴦鴛色，還有起皮的情況。

廚廁來去水、鋪磚手工不俗，唯獨一些細微細眼的手工問題，值得發展商多加留意。由浴缸旁至洗手盆底部，可以見到牆腳有些地方掃得疏一點，有點掃得密一點，去到櫃底的陰暗位甚至沒有處理。

發展商對交樓頗為緊張，全程有職員在現場監督。結果驗勻全屋，家電、廚櫃、腳線都順利取得滿分，失分最多是油漆、窗門等細項。作為首批收樓的單位，得到81分，力保B級級別，表現中規中矩。

發展商長實回覆指，相關單位的執修已完工，並獲業主簽署確認滿意。