【胡．說樓市】又話調整市！？一城再現千萬放盤

個市陰乾式下跌，新盤去貨速度慢，大家都看淡之際，主打細單位嘅沙田第一城再現千萬放盤，全因此單位位處高層極罕有，800呎三房一套連工人房。不過1,100萬買沙田第一城，有無人承接架？其實個市跌定未呀？

事實上最旺市時，類近單位成交價高見1328萬，如今調整至1100萬，減幅17%，反映業主不再盲追創新高，叫價回復理性。

代理坦言，10月至今二手叫價開始回軟，結果，一城細位最高見630萬，上月震出七宗四字有交易的成交，類近單位落到445萬，減幅29%。嘉湖最高掂589萬，但今日浮沉於四字邊，比整體樓價跌幅還要深。

不過，始終肯減價的業主不多，一城目前只有約5至8間放盤肯減價。更重要，在之前升市時，由於租金升勢跑輸樓價，所以縱然今日有業主轉售為租，卻未見反覆回落。一城細位都要萬二至萬三，最近有幾宗更租到萬五元。嘉湖也坐底萬元至萬一左右，最終準買家在租買之間也要抉擇。

股跌樓跌會否成事？好淡雙方各有睇法。回看08及15年，因為股災觸發樓價升轉跌，實際跌幅只是13%-23%。減價貨消化，企硬業主不再落價，是價格能否止跌回升關鍵。何時走出調整，要視乎承接力是否重現外，也看業主心態有幾強。