Yahoo 行動版

43人追蹤

【星級理財】TVB月薪$1,800 陳琪一家點生存?

Yahoo Video HK

嚟到下集,陳琪繼續分享佢嘅TVB血淚史!佢話喺TVB試過月薪得$1,800!吓?$1,800點生活呀?佢話唔緊要,因為成家人不嬲都無乜消遣,不過月薪得$1,800真係令佢肯定唔倒自己嘅價值⋯⋯

之後佢分享咁低人工,日子點過活。佢話試過用廿幾蚊煮咗碗大河粉,足夠6個人食。仲話做人其實好簡單,尤其係小朋友,同佢哋去公園盪下韆鞦,不停瀡同一條滑梯,佢地已經好開心滿足,因為佢哋最需要係父母嘅陪伴。

話雖如此,佢亦有為小朋友未來讀書籌劃,例如將小朋友嘅利市錢一分為三,一份買、一份儲、一份捐,要佢哋慢慢學習理財。

佢仲分享咗同老公胡諾言(胡仔)嘅相處之道。佢承認自己有時都會臭脾氣,好彩老公EQ高先頂得住,仲話做夫妻嘅,就好似打乒乓波,你一球我一球,你對我好,我也不會對你差,就咁樣輕輕鬆鬆做咗10年恩愛夫妻!

最後,佢仲分享自己做精明師奶嘅小貼士,就係唔會亂花錢,包括嚴禁老公送花和訂燭光晚餐,佢嘅理財原則就係應使則使。

如果大家想睇陳琪的TVB血淚史,或者想學陳琪做個好老婆,記得click入嚟睇喇!