Yahoo 行動版

【星級理財】10萬變20萬 狄以達點賺第一桶金

嚟到下集,狄以達分享自己點賺第一桶金!

佢話第一桶金係喺10年前賺返嚟嘅,當時佢得10萬蚊本金,但有好多野想做,於是就問佢當時一位投資師傅嘅意見,咁師傅就同佢講:「好啦,你每朝買份早餐俾我,我就教你點投資」,如是者狄以達朝朝都買份早餐俾師傳,師傅就喺屋企開好多部電視,同佢齊齊睇新聞,仲有睇好多網頁,幾個月之後,師傅叫佢買入一隻股票,狄以達就咁樣喺股票市場賺倒佢嘅第一桶金,由10萬變20萬!

不過佢話,師傅並唔係教佢投機嘅心態,而係要認真做功課,呢份知識到依家都受用,因為做生意講求社會觸覺,要了解市場、知道世界發生緊咩事,先可以有好嘅決策。

最後,佢仲分享咗自己嘅理財小貼士,就係買嘢嘅事候,要清楚自己係追求快感定滿足感。快感係指買一樣嘢,買完之後就無喇;而滿足感講嘅係花完錢可以得到長久嘅滿足,就好似買一啲器材嚟學習,或者學一樣新嘅技巧。狄以達認為兩種感覺都需要,但要衡量錢點花喺呢兩個範疇。

想聽狄以達分享佢嘅投資故事,快啲睇《星級理財—狄以達》下集!