Yahoo 行動版

43人追蹤

【星級理財】陳琪不獲大台續約 造就師奶仔變身KOL

Yahoo Video HK

陳琪有大台唔做,化身成KOL教人育兒、養生和保健,原來條路唔係自己揀,只因大台唔肯同佢續約,佢又要養三條化骨龍,負擔好重,咁就惟有另謀出路,點知最終殺出一條血路。

佢話Facebook專頁都係朋友幫佢開嘅,最初仲覺得自己嘅嘢無人想知,但係做咗KOL先發現,原來大家睇住佢大肚、生仔,已經變成朋友咁無所不談,有好多嘢fans都會問佢意見。

好多人覺得KOL等如收錢賣廣告,但係陳琪話自己推介嘅產品,一定係自己或自己嘅小朋友親身試過,唔會隨便推介,每個分享都係自己嘅經驗。

而佢亦都好慶幸老公支持佢轉做KOL,只係有時會埋怨,話佢剩係顧住班fans,忽略咗老公仔咁話!

最後佢仲分享自己嘅理財小貼士,就係做人唔好背良心,凡事用心做,甚麼都會成功!

想知陳琪仲有咩分享,快啲click入嚟睇啦!