雅虎香港新聞 【零食送上門】3大網購零食平台 零食Outlet掃$1零食區/免運費送到家
最近為防疫大家多留在家中，但有時在家中煲劇或口痕想食零食，唔一定要出街入貨，可以安坐家中網購買零食送上門！今次Yahoo格價專員就比較3大零食網購店，從貨品種類、價錢、運費等多方面睇吓邊間最抵買！平到$1都可以買到零食？邊間可以免運費送到屋企？
------------------------
零食大王 最多選擇！平民＋高檔日本零食
零食大王種類最多，多達五百幾種，不同國家零食也有售！除了大路的日韓零食外，連歐美零食都有得選擇！另有賣高檔日本零食品牌，例如六花亭及Royce，也是店內高人氣零食！另零食大王有會員制，每次購買都可以儲零食金，每消費$1，即可賺取1個「零用錢」，用作下次買零食時使用！
另有抗疫物品及健康保健、寵物物品可購買，產品夠多元化，買夠$200有順豐櫃免運！
Royce朱古力焦糖夾心 $128 減價$108
蕃茄味薯片 HK$5
特別推介：$1 零食區
抵買度：★★★★★
零食Outlet區中的平價區絕不是冷門零食，$1零食區就精選了部份受歡迎的零食，例如今期有細包裝Riska 濃湯粟米球同綠箭香口膠！但要注意賞味時間或會較短，而且不同款式每單限購1/2件，想搶到就睇吓夠唔夠快手了！
------------------------
上倉胃子 $70/5款自由配＋每月零食箱
上倉胃子是十分有趣的網購零食平台，雖然選擇較上一間零食天王少，網頁設計搞怪又易睇！想搵最新的人氣零食都幾齊全，好似新加坡大熱的鹹蛋薯片，味道都十分齊全，想食都唔使周圍搵就可以買到！而零食款式較另類特別，有部份已消失的兒時糖果，好似奶咀糖都可以搵到！而價錢方面，也算是大眾化，重點是買一件都照出貨！
特別推介：每月主題零食箱
抵買度：★★★★
其中最吸引的算是神秘零食盒，每個月會集齊多款同一主題嘅零食，個個月都推出新款，保證唔會食悶你！另外仲有零食自由配，可以在多款精選零食中，以$70挑選5款喜愛的零食，價錢都算幾抵，好似日本ITO 伊度夾心餅的限定口味本身要$18.9，變相$14就買到，算是十分抵！
------------------------
好好味 集合港式懷舊小食
好好味感覺十足以前的港式士多，主打懷舊零食，也有少量日本、泰國零食！零食種類比之前兩間較少，但大家可以找到回憶的味道，仲有著數專員細個最愛食的七彩蝴蝶橡皮糖及白兔糖，依家已經不容易買到了！
如果想食懷舊小食，就可以喺呢度入貨，但想購入日本進口零食，價錢就不算很抵買！
特別推介：超多款夾糖選擇
抵買度：★★★
上網都可以夾糖！仲要款式多達70幾款可揀，有必食的酸沙可樂樽及荷包蛋！份量超大，同朋友開心Share都有排食！
*以上部份資料為網站提供
＝＝＝＝＝＝＝
雅虎於本頁中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。所有買賣均由用戶及商戶雙方自行負責。
「Yahoo購物」現已推出，我哋將會為你搜羅每日購物情報，話你知最新購飲食嘅著數消息、免費或折扣優惠，幫你慳錢慳時間。
想知仲有咩最筍嘅優惠著數？快啲禁入嚟睇下啦！：https://shopping.myguide.hk/jetso
歡迎提供優惠情報，快啲同我哋一齊搜羅全港優惠著數喇！
