雅虎香港新聞 【士多啤梨當造】10大果園格價 免入場費/場內任食/$60磅韓國士多啤梨
即摘士多啤梨已成為本港近年大熱嘅親子活動，每年12月至4月係士多啤梨當造月份，本港唔少士多啤梨園都準備就緒，大家可以留意場中所種植士多啤梨嘅品種，憑喜好選擇農莊，除了廣受歡迎嘅日、韓品種外，仲有法國、美國等地品種，而大部分農莊都不設入場費及最低消費，即摘士多啤梨係以磅數嚟收取費用；採摘其他蔬果則需另外收費。值得一提部分場地設有其他活動如騎馬、餵羊、BBQ等。
---------------------------
【元朗大棠 朗屏士多啤梨園】
朗屏士多啤梨園又稱朗屏種植農場，園內面積超過10萬呎，日本品種士多啤梨包括章姬、紅臉頰、牛奶草莓、天仙醉、佐賀清香、茉莉香等種類。
收費：免費入場；日本士多啤梨$90／磅
士多啤梨品種：日本品種
其他活動：摘葡萄（日本香印品種）都係熱門活動，每年約8、9月是收成期。除此，因應季節場中亦有蔬菜可採摘如香瓜、西生菜、唐生菜及芥蘭等。
地址：元朗大棠路大棠村朗屏士多啤梨園
電話︰9251 8926
前往方法：於朗屏西鐵站乘搭K66巴士，於大棠站下車
詳情：請按此
--------------------------------------
【元朗白沙村 羅氏白沙村士多啤梨園】
園主曾以自家士多啤梨參加多年本地漁農美食節、迎春嘉年華、維園年宵市場，有一定品質保證。
收費：免費入場；士多啤梨$60／磅
士多啤梨品種：韓國品種
其他活動：園內有多款蔬菜可供採摘，包括魚翅瓜、豬乸菜、粟米、蘿蔔、蕃薯等
地址︰元朗白沙村第一段橋頭
電話︰2470 7981
前往方法：元朗站F出口，鳳翔路總站轉乘39專線小巴(元朗白沙)，白沙村第一段橋頭下車，步行約5分鐘
詳情：請按此
-----------------------------------------
【粉嶺打鼓嶺 老徐特大農莊】
老徐特大農莊鄰近雲泉仙館，摘士多啤梨前可以順道參觀。園主之前引入日本奶香士多啤梨，夠晒高質！
收費：免費入場；$80／磅
士多啤梨品種：法國、美國和日本品種
其他活動：場中設有士多啤梨果醬研習坊，可以即場製成果醬。另外有瓜菜即摘即買，包括白苦瓜、沖繩苦瓜、青棗等
地址︰粉嶺打鼓嶺昇平村（雲泉仙館停車場直行到尾）
電話︰9168 8931、6774 8037
前往方法：於粉嶺鐵路站乘52K專線小巴，到打鼓嶺昇平村明愛中心，步行兩分鐘
詳情：請按此
-------------------------------------------
【粉嶺打鼓嶺 阿方士多啤梨自摘園】
阿方士多啤梨自摘園同樣鄰近雲泉仙館，可順道暢遊同食齋菜，場地提供免費停車位，不限入場時間。
收費：免費入場；$68／磅
士多啤梨品種：日本及韓國品種
地址︰坪輋路雲泉仙館後門（太歲殿）停車場側
電話︰6436 1127
前往方法：粉嶺站C出口，乘52K專線小巴至坪輋，於雲泉仙館下車
詳情：請按此
---------------------------------------------
【上水 天光甫有機士多啤梨園】
天光甫有機士多啤梨園佔地約3萬平方呎，小朋友可以盡情放電，士多啤梨園同時設有魚池、儲物室等設施。
收費：免費入場；$90／磅
士多啤梨品種：日本品種
其他活動：園內有時令蔬菜，包括荷蘭豆、紅菜頭、豆苗、油麥菜、芥蘭、菜心、菠菜、塘蒿等可拱採摘
地址︰上水天光甫村（天光甫76K巴士站對面）
電話︰9768 3760
前往方法：76K巴士往返上水（清河邨）總站／元朗（朗屏邨）總站，於金錢站下車，步行5分鐘
詳情：請按此
-------------------------------------------
【元朗流浮山 陶氏休閒生態農莊】
農莊提供法蘭蒂士多啤梨供人採摘，品種較為獨特～
收費：入場費$5；$80／磅
士多啤梨品種：法蘭蒂士多啤梨
其他活動：可於園地餵羊、參觀火龍果場
地址：元朗流浮山浮灣路（榮真學校後面）
電話：2266 0003
前往方法：元朗鐵路站乘K65接駁巴士，於流浮山巴士總站落車，落車後步行10分鐘
詳情：請按此
------------------------------------------
【粉嶺打鼓嶺 鳳凰農場】
鳳凰農場提供大型停車場，去摘士多啤梨仲可以順便預訂年花年桔。
收費：免費入場；$80／磅
士多啤梨品種：法國品種
其他活動：可採摘時令蔬菜水果包括西蘭花、包心菜、菜心、芥蘭等，可以餵羊仔
地址：粉嶺打鼓嶺蓮麻坑路168號
電話：6219 4955
前往方法：1. 上水站公共小巴總站乘搭小巴59K，前往打鼓嶺（叫在嶺英小學路下車）；2. 由上水站公共巴士總站乘搭79K，至打鼓嶺警署下車，往蓮麻坑路步行5分鐘
詳情：請按此
-------------------------------------
【粉嶺打鼓嶺 觀光有機士多啤梨園】
觀光有機士多啤梨園日本品種包括（視乎收成而定）紅顏、妙香、艷麗、桃薰、甜查理，一定滿足到對士多啤梨味道要求嘅朋友！
收費：免費入場；日本士多啤梨$120／磅、法國士多啤梨$100／磅、親子果醬工作坊$80（1名大人+1名小朋友）
士多啤梨品種：日本品種
其他活動：設有士多啤梨果醬製作班，即場製作，可以帶走一樽果醬。可採摘其他蔬果包括法國生菜、番薯、木瓜、茄子等。備有爐具出租，可以即摘即煮。仲可以餵羊仔
地址：粉嶺打鼓嶺李屋新村坪輋泥路
電話：2674 6198
前往方法：1. 粉嶺站C出口，轉乘52K專線小巴（坪輋），於總站下車；2. 上水站A4出口，轉乘79K巴士（打鼓嶺），於李屋村站下車
網頁：請按此
------------------------------------------
【錦田水頭村 有機士多啤梨自摘園】
有機士多啤梨自摘園佔地超過10萬呎，士多啤梨品種多元化，而且自摘園鄰近錦田鄉村俱樂部毗，爸爸媽媽可以帶小朋友去俱樂部兒童遊樂場玩返轉～
收費：免費入場；$120／磅
士多啤梨品種：日本、韓國、法國品種
其他活動：鄰近錦田鄉村俱樂部，俱樂部晚上有場內燒烤
地址：新界錦田水頭村668地段109
電話：5132 5131
前往方法：錦上路站D出口，轉乘601專線小巴（北圍村），於錦田鄉村俱樂部下車
網頁：請按此
------------------------------------------------
【元朗大棠 大棠有機生態園】
大棠有機生態園生態園前身是大棠荔枝山莊，已有25年歷史，除了摘士多啤梨，場中更有多項設施。
收費：入場費每位$50（大小同價），假日套票每位$130，包生態園入場費及指定活動。
士多啤梨品種：沒有註明
其他活動：可摘嘅季節水果包括菠蘿、葡萄、粟米、木瓜、火龍果、百香果等。園內設施也多元化，有荷花池、沙圈騎馬、牛牛車遊山莊一圈、參觀動物園、兒童遊戲車、遊樂場、燒烤樂等
地址：元朗大棠山道11號
電話：2470 2027
前往方法：朗屏站B出口，轉乘K66港鐵接駁巴士（大棠），大棠山道路口下車，步行約15分鐘
詳情：請按此
＝＝＝＝＝＝＝
今期最抵Deal:
百年經驗【恆香老餅家】半斤裝金牌切肉腸/ 鮮鴨肉腸/ 金牌鮮鵝腸禮盒或禮券，享受醇香鮮味
購買詳情：http://bit.ly/2Sm3aRG
優惠期至: 2020/01/06
Yahoo獨家【大班 櫻花蝦芋籤糕】今年再度加推！嚴選粉糯芋絲配上臘腸粒及櫻花蝦，香港製造，信心之選
購買詳情：http://bit.ly/2ZnSZxs
優惠期至: 2020/01/06
75折【蒲東小館】 現金劵，免加一，不限兌換量，一至日全日適用！平民價錢享優質傳統上海菜！
購買詳情：http://bit.ly/2QidWWt
優惠期至: 2020/01/02
美心瑤柱蘿蔔糕(1個)及椰汁年糕(1個)，北海道瑤柱啖啖足料蘿蔔糕，外香內軟椰汁年糕，美心賀年盛意!
購買詳情：http://bit.ly/34NkrFX
優惠期至: 2020/01/12
送禮首選【鳳城酒家】約一斤半瑤柱蘿蔔糕、五香芋頭糕、椰汁賀年糕、清甜馬蹄糕，矜貴用料，新鮮製作
購買詳情：http://bit.ly/2Sk3TTi
優惠期至: 2020/01/06
農曆新年適用! 利寶閣【活龍蝦．佛跳牆．片皮鴨】高級粵菜放題，食盡避風塘炒蟹、水煮魚、椒鹽蝦等
購買詳情：http://bit.ly/34S05eo
優惠期至: 2020/01/02
＝＝＝＝＝＝＝
雅虎於本頁中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。所有買賣均由用戶及商戶雙方自行負責。
「Yahoo著數」現已推出，我哋將會為你搜羅每日超市情報，話你知最新購買飲食嘅著數消息、免費或折扣優惠，幫你慳錢慳時間。
想知仲有咩最筍嘅優惠著數？快啲禁入嚟睇下啦！：https://yjetso.myguide.hk
歡迎提供優惠情報，情報一經採用，將有機會免費獲得Yahoo購物券乙張。快啲同我哋一齊搜羅全港優惠著數喇！
