雅虎香港新聞 【低至半價】連鎖餐廳/火鍋/壽司/素食外賣優惠合集
無論係home office定要返公司嘅打工仔，想減低與人接觸風險，要解決三餐好多時候都係靠外賣！唔少餐廳為吸引食客，都推出重磅外賣優惠，Yahoo著數專員精選一系列連鎖餐廳同價錢貼地食店，等你save低肚餓時做參考！
------------------------
板長壽司 外賣自取會員8折，非會員85折
唔想成日食超市壽司，去板長買外賣壽司亦係高性價比之選。板長壽司提供一人前至多人前壽司盛合，另外亦可單點壽司、刺身、卷物、炸物等美食，會員外賣自取可享8折，而非會員亦有85折，同時折實惠顧金額滿$1,000，更即送梅酒或清酒一支！
優惠期：即日起至3月31日
地點：各板長壽司分店
詳情：請按此
Kim's Spoon Eatery灣仔店 外賣自取低至55折
唔少要返公司辦公嘅朋友都會買外賣返自己座位食，Kim's Spoon Eatery優惠啱晒灣仔區上班族。韓式健康雜錦飯有充足蔬菜，可以自由配搭牛肉、雞肉、泡菜豬肉、有機純豆腐，外賣自取低至一盒$58、兩盒$98，仲包埋泡菜同熱青橘子茶，係豐盛健康之選！
優惠期：即日起至優惠結束
地點：港灣道25號海港中心1樓114 & 116-9號舖
詳情：請按此
圃鍋 外賣套餐低至$65
灣仔、銅鑼灣返工朋友適用，刺身，鍋物專門店圃鍋外賣套餐抗疫午餐有齊日式同中式料理，包白飯同靚湯都只係$65！圃鍋外賣仲會附送獨立包裝洗手液，等你除口罩前後都可以消毒雙手，貼心度滿分～
優惠期：即日起至優惠結束
地點：灣仔軒尼詩道314~324號W Square 4樓
詳情：請按此
616牛肉火鍋專門店 網上預訂可享8折優惠
留在家中打邊爐就最安全！616牛肉火鍋專門店開設外賣自取服務，唔需要去街市、超市等人多地方都可以買齊火鍋湯底、開胃小食同新鮮靚牛！616提供高質牛肉，各個刁鑽部位口感、牛味獨特，折後每款只需$38.4-$54.4，最快更可以落單即日自取，幾時都滿足到想打邊爐嘅願望！
優惠期：即日起至優惠結束
地點：616牛肉火鍋專門店分店
詳情：請按此
譚仔雲南米線 $2加配冷熱飲品/一人小食/指定米線配料
譚仔外賣自取優惠非常抵食，加$2即可加配飲品或小食，或者福袋 (2件)/熟蝦 (3隻)，三款加配優惠可以同時使用。每款米線可同時享用三款優惠各一次，total加$6就可以將米線upgrade做豪華版！
優惠期：即日起至3月31日
地點：譚仔雲南米線分店
詳情：請按此
譚仔三哥米線 外賣自取三餸米線 可加$2即可換購小食+飲品
譚仔三哥米線外賣自取三餸或以上米線或過橋米線，加$2即可換購青瓜／雲耳／口水雞翼同飲品。去譚仔三哥叫三餸米線加用優惠後再加底的話，份量都足夠二人一齊分享，細食嘅朋友不妨試試！
優惠期：即日起至3月31日
地點：譚仔三哥米線分店（又一城分店除外）
詳情：請按此
海皇粥店 外賣自取全單8折 滿$50再送2件北菇珍珠雞
間中想食得清淡？海皇粥店外賣自取全單8折之外，買滿$50再送2件北菇珍珠雞，係一眾食肆中最抵食優惠！
優惠期：即日起至優惠結束
地點：全線海皇粥店（油麻地、禾笛街、淘大、樂道、駱克道分店除外）
詳情：請按此
吉野家 用App預訂 一番巨丼套餐低至$39
去吉野家買外賣，可以經吉仔App order然後到店快取。一人前一番巨丼套餐，包埋汽水都只係$39，另外仲有2人前同3人前套餐俾你選擇～
優惠期：即日起至優惠結束
地點：吉野家分店
詳情：請按此
翡翠拉麵小籠包 主餐牌外賣自取85折/外賣自取指定套餐$68起
上海菜煮法較為複雜，鍾意食上海菜嘅朋友想滿足胃口，始終都係要靠餐廳。翡翠拉麵小籠包外賣自取套餐配搭吸引，特別係二人餐同四人餐可配上不同小菜，四人餐人均更低至$59.5就食到一款小食同三款小菜；翡翠拉麵小籠包同時提供主餐牌外賣自取85折，方便不同人數靈活組合。
優惠期：即日起至2020/03/31
地點：翡翠拉麵小籠包分店（機場分店除外）
詳情：請按此
Green Common Heura 及Beyond Meat菜式 主餐牌半價、套餐8折
仲未試過植物肉的話，而家趁Green Common做緊Heura及Beyond Meat菜式主餐牌半價優惠，不妨外賣返去試試～Heura西班牙高級植物雞柳含豐富蛋白質，煮出嚟嘅香辣星洲叻沙滋味又健康！Green Common同時亦做緊「OmniEat新善食系列」優惠，去買外賣當然要順便買埋急凍食品返屋企啦！
優惠期：即日起至2020/03/29
地點：全線Green Common分店、Future Bar by Green Common及Kind Kitchen
詳情：請按此
＝＝＝＝＝＝＝
雅虎於本頁中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。所有買賣均由用戶及商戶雙方自行負責。
「Yahoo購物」現已推出，我哋將會為你搜羅每日購物情報，話你知最新購飲食嘅著數消息、免費或折扣優惠，幫你慳錢慳時間。
想知仲有咩最筍嘅優惠著數？快啲禁入嚟睇下啦！：https://shopping.myguide.hk/jetso
歡迎提供優惠情報，快啲同我哋一齊搜羅全港優惠著數喇！
