【疫後旅行】台灣澎湖避世之旅 住絕景民宿食新鮮魚生

【疫後旅行】台灣澎湖避世之旅 住絕景民宿食新鮮魚生
【疫後旅行】台灣澎湖避世之旅 住絕景民宿食新鮮魚生

全球旅遊雖然因肺炎而暫停,不過當大家都期待疫後旅行之餘,都係時候做定功課,諗諗疫後可以去邊玩。短途旅行一定係疫後旅行趨勢,台灣自然係不二之選,今日敎大家暢玩台灣澎湖,人少又近大自然,自然令人可以放鬆心情,人都健康啲啦!

澎湖點去好?

澎湖位處台灣海峽,對岸就係雲林及嘉義縣。夏天為熱門旅遊季節,有大量水上活動亦有煙火嘉年華等。澎湖有機場每日定期由台灣本島各地方來往,於台北、台中、嘉義、台南及高雄均有航線,最遠由台北出發,機程約1小時,最近從嘉義、台南出發則半小時就到。另外於嘉義、台中及高雄都有渡輪每日往來,不過時間當然要耐少少,最快由嘉義出發約1.5小時,而由高雄前往則要4個多小時呢。

澎湖設有機場,台灣各地都有航班前往。
澎湖設有機場,台灣各地都有航班前往。
另外可以選揀坐渡輪,最快由嘉義前往約1.5小時。
另外可以選揀坐渡輪,最快由嘉義前往約1.5小時。

住:無敵海景玻璃屋民宿

澎湖為外島,四面環海,當然有唔少海景民宿,今次介紹呢一間就對正大海,而全部用上落地玻璃,景觀開揚!民宿外有泳池及庭園,可以對正大海游水及飲咖啡。室內方面採用日式裝潢,簡單又舒適,令人尤如置身家一樣。客房設有露台,而浴缸更對正大海,連浸浴都可以望正無敵海景。房間有2人房及4人房,情侶或一家大細都可以入住呢!而民宿最靚嘅房就係最高層「星空樓中樓四人房」,閣樓天花可以拉開玻璃天窗,就可以直接仰望星空,非常浪漫!

對正澎湖外面大海,全日都可以望正無邊海景。
對正澎湖外面大海,全日都可以望正無邊海景。
民宿全部房間都用上落地玻璃,景觀開揚。
民宿全部房間都用上落地玻璃,景觀開揚。
最頂樓客房可以拉開天窗,望上去就係天空。
最頂樓客房可以拉開天窗,望上去就係天空。

愛麗詩會館

地址:澎湖縣白沙鄉港子村20-5號

預訂:按這裡

食:超新鮮人龍刺身專門店

靠海吃海,澎湖當然有大量海產,而要揀最吸引水產店就必屬呢一間小小嘅魚生專門店。位處知名景點二崁古厝之中,純白色外牆配以仙人掌,有一陣仿古懷舊氣氛,而室內亦用木枱木櫈,明顯係小店格局,除咗堂食之外仲有一冰櫃出售一盒盒刺身魚片。至於店內供應嘅水產每日不定,視乎當天漁獲而定,老闆每朝天未光就去漁市場買貨,保證係即日鮮,價錢每份300台幣至600台幣,超級抵食!話說該店極具名氣,每朝一開店就有人排隊,售完即止呢!

每朝都由老闆去魚市場揀選最即日新鮮漁獲。
每朝都由老闆去魚市場揀選最即日新鮮漁獲。
另外可以外賣一盒盒魚生帶走慢慢享用。
另外可以外賣一盒盒魚生帶走慢慢享用。
每份刺身不過300台幣至600台幣,極為抵食。
每份刺身不過300台幣至600台幣,極為抵食。

魚好。刺身專賣店

地址:澎湖縣西嶼鄉22號之1

營業時間:9:30AM至5:30PM

玩:海上牧場認識海洋保育

咩係海洋牧場?原來呢間海洋牧場就係希望透過一系列活動及設施,教育參觀人士保育海洋嘅意識,極有意義!當中設有多個漁場,飼養多種魚類如象魚、石班、三線雞魚、魔鬼魚等。漁場仲設有小船,可以帶參觀人士出海體驗捕漁活動,亦會帶大家去到海岸範圍找尋新鮮海膽、鐘螺等,提供即捉即食海鮮大餐,大家可以就地於岸邊品嘗最新鮮海產!另外仲有導賞團,帶大家前往附近嘅海岸線欣賞奇岩異石呢。

提供小船出海體驗,可以親自捕漁。
提供小船出海體驗,可以親自捕漁。
海洋牧場寓遊樂及教育於一身,具保育意義。
海洋牧場寓遊樂及教育於一身,具保育意義。
有導賞團帶大家前往附近嘅海岸線欣賞奇岩異石。
有導賞團帶大家前往附近嘅海岸線欣賞奇岩異石。

元貝田媽媽海洋牧場

地址:澎湖縣白沙鄉岐頭村20之2號

營業時間:8:30AM至9PM