衛詩雅性感起舞 陳家樂似睇家姐

衛詩雅於戲中穿喱士跳鋼管舞,可算是一大突破。
衛詩雅於戲中穿喱士跳鋼管舞,可算是一大突破。

陳家樂與衛詩雅新片內再演情侶,衛詩雅更要當着家樂面前大跳辣身鋼管舞,家樂竟說似「睇家姐跳舞」,又打趣拍咀戲完全冇feel,衛詩雅則大爆家樂早已「訂婚」。

陳家樂、衛詩雅、郭奕芯及朱栢康等,昨午現身柴灣出席英皇電影及天下一電影合作的頭炮作《不日成婚》開鏡,該片將是明年賀歲片。英皇老闆楊受成帶領眾人上香及切燒豬,場面熱鬧。身為男女主角的家樂與衛詩雅接受訪問,衛詩雅表示將拍攝一場戲,令她大為緊張:「我要以通花喱士打扮,喺家樂面前大跳鋼管舞,我喺屋企都唔會咁着,工作人員話唔認得我。」

與女童一包餅定情

家樂未有機會「先睹為快」衛詩雅的舞姿,事關導演希望待正式拍攝時捕捉其自然反應。問到家樂感覺如何?他說:「都驚o架,好似家姐喺我面前。我哋兩個熟到真係似家人,拍咀戲好似錫緊自己手臂咁。(睇完唔驚人呷醋?要備案?)冇啲咁嘅事,做嘢啫。」

被指「似家姐」,衛詩雅即出招還擊,爆家樂早已「訂婚」:「今次係我帶呢個劇本畀公司嘅,所以要做到最好。我邀請咗4歲嘅姪女參與演出,佢昨晚收工仲喊住話想繼續演。佢話大個都要拍戲,因為佢老公係陳家樂呀!」家樂接口謂:「兩年前用一包餅搞掂咗,大家『訂咗婚』,佢個姪女真係幾可愛,我都鍾意湊佢。」

楊受成嘆戲院生意跌

另外,楊受成透露《不》片投資近千萬港元,第2部則交由天下一製作:「即係每邊負責5部,都唔驚撞題材,大家有溝通同提供意見。」由於疫情關係,楊受成坦言生意受影響,戲院生意更跌足8、9成。談到鍾欣潼離婚後心情,他謂:「佢幾好,依家同祖兒及Mani(霍汶希)喺內地隔離,嚟緊有商演。佢哋喺隔籬房都冇得見面,真係『這麼近那麼遠』。」

楊受成對兩位愛將寄予厚望。
楊受成對兩位愛將寄予厚望。
新片投資千萬,台前幕後參與者眾多,創造了不少就業機會。
新片投資千萬,台前幕後參與者眾多,創造了不少就業機會。