江嘉敏喜怒無常 生擒何廣沛

江嘉敏大發雌威,成功生擒何廣沛。
江嘉敏大發雌威,成功生擒何廣沛。

何廣沛江嘉敏大膽演出「愛情動作片」,攬腰又趴地,最終女方以「女上男下」姿勢取勝!何廣沛自爆因長時間拍攝搞到「工傷」,痛楚的表情並非偽裝,雙腳已不勝負荷!

日前何廣沛與江嘉敏為無綫新劇《食腦喪B》現身銅鑼灣海旁取景,飾演歡喜冤家的他們,先拍攝Sweet爆踩單車戲份,女方從後攬住男方,繼而坐上石壆背對背談情;惟鏡頭一轉,瞬間感情生變,何廣沛嚇跌江嘉敏,女方反擊使出「撻生魚」絕招,將何廣沛「胸壓」落地,完美KO!

見證疫情進展

談情加動作戲同時進行,何廣沛抵死話正拍攝「愛情動作片」:「我係打不死嘅喪屍,動作戲真係少不免,所以好攰,依家仲要全速加快拍晒佢。(因為疫情趕工?)冇話關唔關事,拍呢套劇都見證成個疫情,由條街冇乜人戴口罩到全部戴晒,所以都加入疫情元素,希望大家有共鳴。」

拍攝當日,每當何廣沛要拍攝跪地、趴地等動作,都面露痛苦慘樣,原來並非造假:「做喪屍係咁跑、爬、跳,對腳嘅負荷去到頂點!一郁啲肌肉就扯住扯住,又唔可以出汗,化妝同事都好忙咁幫我抹汗。(順便減磅?)難啲,除咗返工,其餘時間都係休息。」

至於江嘉敏就興奮指最近買了一個減肥電子Game,不過食了炒價相當肉赤:「足足貴3倍,但朋友話真係減到,遲啲有場戲要何廣沛公主抱我跑街,為佢着想都要減輕啲啦!」拍劇四圍去,江嘉敏也擔心身上沾染病毒,故避免與男友見面。

人多開工惹誤會

另外,《食》劇前日在大坑拍外景,由於演員加工作人員超過30人,有指街坊見聚集人數眾多,期間有人沒戴口罩,加上劇組佔據附近路面及停車位惹不滿,有巿民為此報警,警員到場了解後離去。

二人坐在石壆看海談心,本來好浪漫。
二人坐在石壆看海談心,本來好浪漫。
江嘉敏坐在車尾攬實何廣沛。
江嘉敏坐在車尾攬實何廣沛。