尖沙咀封街爆破 古天樂掹槍雞飛狗走

演員古天樂、張智霖連日來為新片開工，前兩日在天水圍封街拍戲，昨日則於尖沙咀拍爆破大場面，動用過百臨時演員，古天樂有揸槍場面，雖然現場氣氛緊張，但兩人表現輕鬆，見記者探訪更揮手打招呼。

一眾演員一連數天先後在天水圍和尖沙咀封路為新片拍攝，昨日在尖沙咀取景，除主要演員古天樂（古仔）、張智霖（Chilam）和宣萱外，鄭嘉穎、黃宗澤和張松枝等亦加入拍攝這場爆破場面，出動超過100名臨時演員，當現場「嘭」一聲發出巨響，眾人雞飛狗走，演得逼真！

Chilam天水圍凍到皺眉

昨早眾人7時通告，男演員全部西裝上陣，古仔拿着槍，而戴上口罩的黃宗澤則坐着輪椅Standby。由於現場屬遊客區，為顧及安全，工作人員亦不時進行清場，免得途人聚集圍觀。在天橋上拍攝的古仔和Chilam離遠見到記者探訪，更扮鬼臉跟記者揮手打招呼。忙拍新片的Chilam稱會抽空於聖誕放假去玩「佛系」滑雪：「上年學咗冇乜練習，今年都要繼續學，因為上年畀老婆甫咗滑得好慢嘅片出嚟，好似佛系滑雪咁，所以要努力再學，唔係就要參加滑雪鬥慢比賽！」

此外，Chilam、宣萱及陳庭欣等人在大前日及前日於天水圍大陣仗封街拍攝。前日Chilam與宣萱拍攝車廂戲份時，難抵寒風的他不時皺眉頭，拍攝後即急急坐於一旁避寒，並與工作人員有講有笑。至於有不少車內戲份的宣萱，則趁工作人員設置器材時，乘機閉目養神抖一抖。而甚少拍戲的陳庭欣大前日拍攝時，明顯十分緊張，見她頻頻與工作人員研究劇情及走位，期間又講到手指指，準備十足才埋位。