「垃圾蟲」賴琦媛耍冧戒惡習洗底

候選港姐賴琦媛（Ivy）日前被本報拍得吸煙兼做垃圾蟲，形象崩壞！昨日她現身記者會時，收斂昔日的寸嘴本色，耍冧認衰，並承諾戒掉不良嗜好，以圖挽回形象。

《2020香港小姐競選》昨日舉行記者會，公布張盈悅及謝嘉怡兩位海外佳麗入圍，二人連同16位本地佳麗見傳媒，並分組進行化妝比賽，由去年冠軍黃嘉雯評分，最終由陳楨怡、侯嘉欣及何孟珊勝出。

仲有不良嗜好

本報日前拍得賴琦媛在車廂吸煙，並將煙頭丟出車外，她揚言感到慚愧：「畀大家見到我唔好一面，對支持者覺得好對唔住，經一事長一智，我會戒。（戒煙同戒丟垃圾？）係，呢啲係不良嗜好，身體健康係自己，丟垃圾就對唔住大家同個環境。（吸咗煙幾耐？）都係呢一、兩年先有接觸，本身冇吸煙習慣，係自己受唔住誘惑，對方邀請我就食。（擔心評判扣分？）都係做好自己。（點補救？）我承諾會戒咗不良嗜好，時間會見到我改變。（仲有冇其他不良嗜好？ ）夜瞓囉！（講粗口呢？）好少。」

被高層「提點」

問及當日接送的男士身份，Ivy稱對方是親戚，並非男友。她坦言因報道而被高層提點，問會否影響參選心情及信心？她說：「放好心態，視壓力為動力。努力咗，問心無愧就OK。」對於Ivy的負面新聞，與她較相熟的侯嘉欣為她加油，而黃嘉雯則認為公眾人物要做好榜樣。