余思霆豁達:依家幸福咪好囉!

余思霆與馬貫東不介意另一半的戀愛經歷,目前幸福才最重要。
余思霆與馬貫東不介意另一半的戀愛經歷,目前幸福才最重要。

藝人馬貫東女友被爆與朱敏瀚拍過拖,馬貫東昨日恰巧與朱敏瀚女友余思霆同場,二人異口同聲表示不會介懷「過去」,余思霆更謂:「依家大家都好幸福咪好囉!」

謝東閔、馬貫東、余思霆及黃嘉雯昨午現身電視城,出席明珠台《直覺追兇》第二季記者會,馬貫東與余思霆被要求合照時表情靦腆,不過余思霆強調早已於遊戲節目內互相認識。

為女友心理輔導

談到公開戀情及被傳同居,馬貫東坦言想低調處理感情事,又透露只拍拖數月,女友不是圈中人,新聞影響心情自是可以理解,亦覺得女友不需要承受這些壓力,他亦有抽時間擔任「心理輔導」:「係想過簡單感情生活,拍拖係兩個人嘅事,唔想有太多報道。(知道女友過去嘅感情生活? )過去就過咗去,唔會太介懷,以前嘅事再執着都冇意思,最緊要依家!」

問到馬貫東是否已朝着結婚為目標?他說:「如果可以,係會想嘅。(有結婚計劃?)結婚要有事業基礎先,冇可能話結就結,搏殺多一陣先啦!(依家33歲,係咪40歲前?)希望唔使40歲啦,想快啲做到自己期望嘅成績,起碼置到業。(布置間屋唔係買咗樓咩?)咁容易置業咩!梗係唔係搬新屋啦,幫佢抹窗咋。」

黃嘉雯恨與王浩信合作

余思霆亦表示知道朱敏瀚的過去,問到與馬貫東見面會否尷尬?馬貫東即「搶答」為對方解圍:「成熟人嚟o架,工作還工作。」余思霆接口:「都過咗去啦,依家大家都好幸福咪好囉。」

另外,黃嘉雯卸任港姐明言想向劇界發展:「我以前都係演員,想拍多啲劇,不過一切等公司安排,暫時佢哋冇講太多畀我聽。(想同咩前輩合作? )太多嘞,但如果拍喜劇好似《反黑路人甲》咁,我諗同王浩信及張振朗開工會好好玩。(好恨快啲拍劇?)係。」