任達華陳家樂盼攜手保本土影業

除了戲院業主,任達華亦鼓勵各大公司主動減租解困。
除了戲院業主,任達華亦鼓勵各大公司主動減租解困。

疫情打擊戲院業,對於戲院商會希望戲院業主共度時艱,影星任達華大表贊成:「除咗戲院,大型上市公司嘅舖租都可以減租一段時間,大家共渡難關,疫情好轉後再繼續努力。」衛詩雅亦支持上述建議:「疫情令好多行業受影響,戲院業面臨好嚴峻嘅考驗,希望大家快啲達成共識。」

鄧月平心痛同行困境

陳家樂坦言疫情是一個大考驗:「依家外景有好多措施要做,亦好多製作要暫時停工,等疫情好轉先重回軌道拍攝。戲院係我哋成個工業電影重要嘅一環,冇咗戲院,作品都冇渠道,如果業主有辦法同戲院協商到共度時艱,希望大家傾到個方法保住香港電影業。」羅仲謙亦表示:「疫情令到電影業界好艱難,希望業主可以幫忙戲院。」

至於作為新一代演員的鄧月平說:「見到依家電影業情況真係覺得好心痛,香港有好多傑出嘅導演、編劇、演員,真係好希望電影可以不斷拍落去。希望呢個時間大家共度時艱,等疫情過咗就可以重新開始。」

陳家樂
陳家樂
衛詩雅希望業界早日達成共識。
衛詩雅希望業界早日達成共識。