黃智雯無懼錢嘉樂「爆肚」

【星島日報報道】錢嘉樂黃智雯、楊詩敏(蝦頭)與胡渭康,前晚錄影節目《娛樂大家》。談到主演的舞台劇《今晚打老虎》下月公演,錢嘉樂透露已排練了一星期,該劇還有不少前輩助陣,包括羅冠蘭與袁富華等,自己作為晚輩會虛心學習。問到排練時可有爆肚,他笑道:「少少啦!潘嘉德監製搵得我都唔想我一字一句照稿讀啦。」黃智雯則滿有信心接得住嘉樂仔的爆肚,並笑道:「平時我好似好鈍咁,但我上台會上身 !」 嘉樂仔又大爆羅冠蘭對他有意見:「羅冠蘭唔鍾意我爆肚 !但都要接受我,因為之前合作過,知我管唔到,佢已經好好,寫晒我 爆肚位,叫我唔好再加,以免演出時佢接唔到。」 另外,談到陳小春宣布太太應采兒懷孕3個月,嘉樂仔笑說:「打 畀佢啦!都係記者話我知,而家懶巴閉咁,人不如其名,應該叫『陳大春』。」 此外,對於自己與菊梓喬(Hana)的不和傳聞再被炒起,吳若希承認跟對方欠缺默契,並謂:「我喜歡有來有往的合作,佢唔係我類型,佢 鏡頭前好柔弱。」文:駱震寧 圖:鄧國良 ■吳若希承認跟菊梓喬欠缺默契。 ■錢嘉樂與黃智雯主演的舞台劇《今晚打老虎》將於下月公演。 娛樂