九龍城$388 大閘蟹+台式小吃放題 任食多膏大閘蟹、肥美蚵仔滷肉飯

大閘蟹嘅季節又到喇!大閘蟹放題其實唔係中菜同酒樓嘅專利,九龍城呢間文青台灣菜亦加入戰場,推出大閘蟹+台灣小吃任飲任食放題。價錢就分三個級數,以大閘蟹重量嚟計,最平$388就可以食到約三至四両重嘅大閘蟹,仲有多款用蟹粉製成嘅菜式、台灣小吃、甜品及飲品,通通都係任食,平時鍾意食蟹嘅朋友要Bookmark定。

大閘蟹放題
大閘蟹放題
九龍一間文青台灣菜亦加入戰場!
九龍一間文青台灣菜亦加入戰場!

呢個大閘蟹任飲任食放題點玩法呢?首先價錢就分三個等級,最平$388就食到約3両-4両重嘅大閘蟹公+約3両重蟹乸;$498同$608就可以食約4両-5両大閘蟹公+約3両半蟹乸或約5両-6両大閘蟹公+約4両蟹乸,三個等級都係任食88分鐘~

價錢就分三個等級,最平$388就食到約3両-4両重嘅大閘蟹公+約3両重蟹乸。
價錢就分三個等級,最平$388就食到約3両-4両重嘅大閘蟹公+約3両重蟹乸。

原隻大閘蟹公/蟹乸

食得呢個放題當然要主攻大閘蟹喇!餐廳選用江蘇大閘蟹,每個等級都會供應蟹公同蟹乸,蟹公就偏向軟滑香濃,而乸嘅肉質就結實,揀邊款就睇個人口味,不過無論公定乸,一開都係滿滿嘅蟹膏,絕不欺場。

原隻大閘蟹公/蟹乸
原隻大閘蟹公/蟹乸
滿滿嘅蟹膏,絕不欺場。
滿滿嘅蟹膏,絕不欺場。

食食吓想轉口味,仲有得食多款用蟹粉製成嘅菜式,蟹粉花枝丸彈牙有口感,食到花枝粒,一口蟹粉鴨血口感同樣Q彈,而蟹粉就令到味道更豐富。

蟹粉花枝丸
蟹粉花枝丸
一口蟹粉鴨血
一口蟹粉鴨血

蟹粉水餃內餡係椰菜豬肉,餡料清新,配埋蟹粉食恰到好處。

蟹粉水餃
蟹粉水餃

另外仲有生滾大閘蟹粥同台式腸蟹粉糯米飯,生滾大閘蟹粥煲得綿密,每一啖都都帶蟹膏味道,而蟹粉糯米飯本身都幾香,配埋蟹粉就有錦上添花效果。

生滾大閘蟹粥
生滾大閘蟹粥
每一啖都都帶蟹膏味道!
每一啖都都帶蟹膏味道!
台式腸蟹粉糯米飯
台式腸蟹粉糯米飯

除咗蟹粉菜式,仲有幾款台式小食供應,如蚵仔滷肉飯、士林鹽酥雞、原條厚燒鰻魚、薑茶芋圓、黑糖珍珠系列、芝士奶蓋及台式芋圓綿綿冰等,最推介蚵仔滷肉飯,每粒蚵仔都大大粒好肥美!

蚵仔滷肉飯
蚵仔滷肉飯
每粒蚵仔都大大粒好肥美!
每粒蚵仔都大大粒好肥美!
台式芋圓綿綿冰
台式芋圓綿綿冰
等等HEA
等等HEA

等等HEA
地址: 九龍城福佬村道41號地下

文: Yanica
相、片: Calvin Kwok