【黑市】《偽善若水》與現實不謀而合 導演王貽興:我寧願估唔中

【黑市】《偽善若水》與現實不謀而合 導演王貽興:我寧願估唔中
【黑市】《偽善若水》與現實不謀而合 導演王貽興:我寧願估唔中

ViuTV電視劇《黑市》圍繞人性黑暗面,周四(9日)播出的內容《偽善若水》,相信香港人經歷完這半年,看完會頗有共鳴。此集以劇組到設定好的「假劏房」拍攝節目為開首,助導(沈殷怡飾)向導演解釋說:「上面話真劏房太污糟唔見得人,拍出嚟唔夠正面,照出街會對社會有負面影響,唔想宣揚社會陰暗面。」告誡觀眾在電視看到未必為真,男主角源(朱柏謙飾)亦諷刺道:「真又嫌真,寧願假都唔要真!」同時他又起疑心:「連專鬧呢個台嘅兒登都冇人媽叉呢個節目!」為劇情埋下伏線。

劇情說到社會中新型流感蔓延,造成一千名市民死亡,市民都必須到診所接種疫苗,男主角源亦不例外,於是他見證了一場世代之爭,一名老人家不戴口罩隨處咳嗽引來青年不滿,青年好言相勸,老人家卻繼而動粗打人,在旁的源只用電話拍下事發經過,並對青年說:「你冇做錯、亦都冇輸;呢個世界愈來愈多呢啲人,就會覺得人哋話我哋唔配有民主係啱嘅。」青年反駁說:「如果我真係冇做錯,點解你頭先只偷拍唔幫手?」源無言以對。

根據種種跡象,源懷疑政府利用疫苗控制市民而被追蹤,他跟自己最信任的妻子說出想法,卻被質疑道:「政府邊嚟咁多時間、咁得閒?一個人唔打針就搵咁多人殺佢,有咁多錢都拎去填海啦!」源於是反駁:「你知唔知每年跌落嚟唔知使喺邊嘅有幾多億?你知唔知每年有幾多人食錯藥、叉錯腳跌落樓,又或者被自殺?」這些對白除了讓觀眾想到大白象工程,還有很多「沒有可疑」的一宗宗自殺事件;源續言:「我淨係知件事荒謬到講出嚟都冇人信,即係話,如果我係政府,我真係咁做,做咗你哋都唔會信。」

劇情繼續發展,原來那些疫苗本來是用作抗抑鬱的,小孩在接種後不單沒有情緒問題和負面情緒,還變得開朗樂觀,所以政府打算加重劑量,安排所有市民接種,那就可以名正言順幫大家洗腦:「唔使等我哋呢代人死晒,成個城市都會變得好聽話,甚至我哋再冇機會聽到反對嘅聲音。」這讓觀眾不期然想起今日的香港,令人不禁深思。源的妻子繼而提出:「全世界都打懵仔針,得一個人清醒有幾痛苦?」然而,源真的願意忘記傷痛,接受被同化嗎?

《黑市》導演兼編劇王貽興接受《香港01》訪問,談到本劇最深刻的一個單元就是《偽善若水》:「呢個單元係2019年1月寫、3至4月嘅時候拍,因為我好鍾意睇啲政府嘅陰謀、白色恐怖嘅故事,所以喺《黑市》我都想寫一個相關嘅故事。」王貽興談到當初寫劇本時只是作出一種文學上的假設,假設情況去到最壞會變成怎麼樣,但萬萬沒想到在拍攝完畢後,現實發生的事竟然和劇情不謀而合,成為了現今香港的預言書:「冇諗到唔夠一年,所有嘢已經準確地命中,都會有一種毛管戙同不能置信嘅感覺,但我寧願寫嘅所有嘢都估唔中!」

點擊瀏覽《香港01》更多內容和圖集

你可能感興趣:
【萬千星輝2019】周嘉洛唔怕捱唔怕人工低 享受演戲最緊要學到嘢
【BB來了】李佳芯鐵定冇得拍續集 岑麗香馬國明頂上連劇名都改埋