雅虎香港新聞 TVB五大小生 林峯、馬國明、黃宗澤、吳卓羲、陳鍵鋒 邊個走樣最誇張？
近來林峯傳出好消息，話早就同現任女友張馨月喺香港秘密註冊結婚，如果係真就真係要恭喜！數返手指，同林峯同期嘅TVB小生仲有馬國明、黃宗澤、吳卓羲、陳鍵鋒，大家都曾經叱咤TVB一時，不過如今就各有發展，有啲就繼續留喺TVB做一哥，不過感情路就差啲、有啲就北上掘人仔……如果硬要比較，看似林峯事業愛情最得意，不如睇下呢五位小生嘅近況，唔知大家又覺得邊個喺娛圈撈得最掂？
TVB五大小生近況1. 林峯
TVB五大小生入面，保養得最好嘅都可以話係今年已年屆39嘅，大家睇佢喺ig po自己完全冇美圖過嘅自拍照，就知佢幾有自信啦！雖然有啲鬚，但只覺佢係增加咗男人味，完全唔顯老，皮膚都冇皺皮，都可以話係經得起考驗！
近排忙緊拍《使徒行者3》嘅佢，上鏡依然年輕，啲皮膚緊緻到一個點，笑起上嚟都唔覺「佬」！
著返套西裝，直頭型啦！
再睇返初出道嘅佢，林峯除咗少咗份稚氣，同埋靚仔咗勁多之外，都幾乎真係冇乜點變！
走樣指數：1/5
TVB五大小生近況2. 馬國明
馬國明係TVB五大小生之中，唯一一個仲留喺TVB做主要發展嘅男星，而家仲已經係TVB一哥，幾乎所有有佢主演嘅電視劇都大收旺場，早排仲拎場「最受歡迎電視男角色」，觀眾緣勁佳，難怪被封為「TVB荀盤」之一！
今年45歲嘅馬明，唔單止身材仍然係高高瘦瘦，文質彬彬咁keep得咁好，個樣都依然非常襟老，唔講真係以為佢今年得18歲咋！
可惜情路堪坷，入行咁耐，愛得最高調兼之前都有透露過想成家立室嘅Ex黃心穎竟然背住佢出軌，偷食對象仲要係天后嘅老公許志安，對馬明嚟講都唔好話唔傷！
不過，可能被出軌都有被出軌嘅好，就係可以再去搵個更好嘅對象囉！所以而家TVB荀盤嚟講，馬明都可算係位列第一㗎，好女仔就快啲主動出擊喇！
睇返馬明拍《衝上雲宵》嗰陣個樣，都真係好pure好true，對比返家陣個男人味出哂嚟個樣，又真係冇乜大分別囉，係可能有啲經歷，所以多咗份滄桑感咁囉~
走樣指數：2/5
馬明同林峯近排仲一齊演《使徒行者3》，大家覺得佢地拍埋一齊，邊個keep得好啲？
TVB五大小生近況3. 黃宗澤
近來多咗返大陸掘人仔嘅Bosco黃宗澤，對上一套喺TVB嘅劇都係邵氏網劇《飛虎之潛行極戰》，近h排Bosco仲飛去韓國擔任第24屆釜山國際電影節主辦嘅第一屆Asia Contents Awards頒獎嘉賓，而《飛虎之潛行極戰》更有份喺釜山國際電影節中獲獎。
最緊要係心境年輕嘛，喺釜山國際電影節見到Angelababy嗰陣，兩個仲好童心咁影相，就知保持心境長青有幾咁重要啦！
睇返Bosco初出道個樣，真係完全係「細路樣」，瘦瘦地、黑黑地，嗰陣絕對係靚仔嚟！雖然今時今日都係，不過就似乎發福咗，少少咁多多囉~
走樣指數：3/5
TVB五大小生近況4. 吳卓羲
今年40歲嘅吳卓羲，近排就真係好少喺香港見佢，最近期嗰次都係同Bosco嗰套《飛虎之潛行極戰》。
睇返佢之前出席公開活動時個樣，嗯……雖然都係keep到魁悟身型，撐得起件西裝，但…好似有啲唔同咁，皮膚超級緊緻，同埋嗰個髮型有啲前輩feel，同有啲中國feel囉。
睇返佢22歲客串《烈火雄心II》個樣，真係只能慨歎一句，歲月不饒人。
走樣指數：4/5
TVB五大小生近況5. 陳鍵鋒
好早就已經上內地發展嘅Sammul 陳鍵鋒，喺TVB嘅時候係走表靚白淨小生路線，可謂迷倒一眾少女觀眾！
不過近年喺內地拍嘅劇集，唔知係因為角色問題，還是……內地好食好住嘅關係，咦！點解好似肥咗兩個碼嘅？
但唔係啵，2010年拍《美人心計》嗰陣，佢是咁的樣子！嗰陣嘅佢仲因為呢套劇榮登內地男演員新寵兒！
佢喺TVB拍《潮爆大狀》時，確實係靚仔到一個點㗎！不過而家就好似……只能講句：「男人唔keep都好易冇」㗎
乜嘢叫有比較有傷害，就係咁……
不過佢地五子嘅感情經歷過咁多年，又各散哂東西，到今時今日都仲keep到，呢樣嘢就緊要過keep外表多多聲啦！
佢地都間唔時會約出嚟聚舊㗎！
當年「TVB S4」呢個朵就係由四子合演《衝上雲宵》而嚟！
當年五子同框，呢張相真係令人勾返起不少回憶~
推薦閱讀:
➤ 【猜猜我是誰😱】陳展鵬反差未係最爆？估你唔到男星進化史！他們的變化令人嚇破膽
➤ 【猜猜我是誰】鄭秀文反差未係最爆😱！估你唔到女星進化史 變化最大竟然係佢？
Follow us on:
Facebook: CosmoHK
Instagram: @cosmopolitan_hk
YouTube: CosmopolitanHK
