12年冇加過人工越做越灰 張松枝拒返無綫拍劇

image

有無綫「「御用二世祖」」之稱嘅張松枝,經常喺劇集飾演二世祖或者奸角嘅角色,亦有人話似韓星宋仲基同孔劉,所以都算頗有觀眾緣。1995年加入無綫後,一直做啲唔太起眼嘅角色,甚至係臨時演員。喺無綫期間,佢試過12年冇加過人工,雖然有加過騷錢,但同時又會控制返佢工作量,所以同冇加人工冇分別。

去至2012年,佢決定離開無綫加入港視,可惜港視不獲發牌,一大班台前幕後工作人員面臨失業。但張松枝對無綫真係心灰意冷,所以佢話情願考慮做地盤、申請公屋,都唔會返無綫拍劇,因為佢覺得再做落去,越覺得自己冇乜價值。

好彩佢堅持自己理念,而家有機會拍電影,喺《無雙》中與周潤發(發哥)及郭富城合作,佢亦會為港台同ViuTV、網劇及內地劇拍攝,所以天無絕人之路,佢唔留係無綫,出面仲有好多機會等緊佢。

image
image