《雙層公寓》宣布永久停拍 真人騷3大罪證曝光 接吻可獲獎金...

《雙層公寓》
《雙層公寓》

日本大熱真人騷《雙層公寓:東京2019-2020》(Terrace House Tokyo 2019-2020)以「三男三女生活實況」為題材,成員之一兼日本女子摔角選手木村花,疑因惡意評論及節目剪輯影響,最終忍受唔到壓力自殺身亡。事件發生後,喺網上引起熱烈爭議,近日官網更宣布《雙層公寓》永久停拍。

早前有《雙層公寓》製作前員工就講出真人騷三大罪證:

第一罪證,接吻可獲獎金。為咗增加節目效果,成員只要喺節目接吻或激吻就有5萬日圓獎金,不過呢個制度喺呢個前員工離職前已經取消。

第二罪證,參加者要跟足指示。劇組要求參加者跟足指示去拍攝,就連男女配對都係安排好,可以話係從來冇得拒絕,而且呢類鏡頭係要捕捉人性醜陋嘅一面,所以好多網民觀眾都唔會見到每個藝人嘅真性情!

第三罪證,剪接好有問題。成員水越愛華及新野俊幸就話自己未曾收指示去演出,但係佢哋就對節目切頭切尾嘅剪接手法好唔滿意,因為唔可以真實咁呈現成員嘅生活。

木村花
木村花
木村花
木村花
木村花
木村花