【為好姊妹焦急】黃翠如想撮合馬國明同唐詩詠

黃翠如 & 唐詩詠

人一生最大嘅幸福除咗自己遇到對的另一半之外,就係希望身邊嘅朋友同自己一樣得到幸福。黃翠如同唐詩詠一向感情都好好,當佢已經同蕭正楠結咗婚,人前人後都非常恩愛,真係羡煞旁人呀!眼見自己得到幸福,而「閏蜜」唐詩詠與洪永城分手後,感情至今仍然未有著落,身為好姐妹嘅翠如BB梗係焦急啦!

今日就有報道話近日翠如BB忙於拍攝新劇《使徒行者3》,不過佢一有空檔就陪詩詠行街買衫,就算佢睇落有少少疲勞樣,但仍然陪好姐妹嘻嘻哈哈,呢種姐妹真係喺邊到搵呀?!買完衫之後,佢哋又會影下商場聖誕裝飾,詩詠盡顯童真,而翠如梗係立刻充當攝影師影低姐妹開心嘅一面。

另外,大家一早都想撮合馬明同詩詠呢一對,佢哋永遠都係「友達以上,戀人未滿」嘅關係。好多人都認為佢哋無論身形性格都極度合襯,不過二人就偏偏未能「撻著」一齊。

喺今年年中,馬國明、唐詩詠及翠如BB一齊為綜藝節目《Do姐有問題》錄影時,當時翠如BB已向傳媒表示馬明同詩詠根本非常合襯,佢哋只係欠缺一個約會,就可以結伴同行。而翠如BB亦好鬼馬咁想試下製造多啲機會俾佢哋,橫掂馬國明同唐詩詠都想去旅行,諗住安排去旅行,不過可惜失敗咗。

《Do姐有問題》錄影
《Do姐有問題》錄影

聖誕節又就快到,普天同慶嘅節日就當然想同身邊人過,不過詩詠一早決定一個人飛去泰國,上一個關於冥想及禪修嘅課程,好好洗滌自己心靈。今次詩詠講明不會跟其他男士約會,實行一個人過聖誕。另外,詩詠亦講過人大咗經歷亦多咗,所以會更加珍惜屋企人,所以早前佢就陪咗爸爸返鄉下。

黃翠如 & 唐詩詠
黃翠如 & 唐詩詠
黃翠如 & 唐詩詠
黃翠如 & 唐詩詠
唐詩詠 & 黃翠如
唐詩詠 & 黃翠如