放假想煲劇？今個秋季日劇總有一套啱你！

香港而家持續社會動盪，唔想出街，喺屋企煲劇可能係一個唔錯嘅選擇，如果大家嫌煲港劇都唔夠嘅話，大家仲記唔記得曾幾何時煲日劇煲到天昏地暗嘅日子呢？原來嚟緊有幾套日劇即將推出大家又有冇興趣睇吓呢？

《Grand Maison東京》由已經變成大叔嘅木村拓哉主演，不過從劇照所見木村有回勇跡象，大家可以懷念一下呢位男神。故事係講述尾花夏樹（木村拓哉飾）係巴黎開設餐廳，但因為種種原因導致失去了餐廳，人生從高峰跌落低谷。後來遇到女廚師（鈴木京香飾）令佢重現鬥志，再次向頂級餐廳進發！鈴木京香可能大家都未必咁熟悉，但其實佢喺《華麗一族》已經同木村有過合作。不過從劇照所見，鈴木京香真係年過50嗎？

《我的話很長》由生田斗真飾演一個經歷生意失敗之後嘅廢青，但係喜歡吵架嘅佢一直狡辯同用歪理黎逃避現實！直至佢親生姐姐一家人到家中暫住因而產生變化。對日本人來講呢套劇可能相當貼地。但對其他人來講就可以透視日本現今嘅社會風氣。

王牌劇集《Doctor-X》唔經唔覺已經播道第6季，劇集繼續由米倉涼子主演，劇情同《白色強人》有點類似講述醫療政策嘅改革。米倉涼子除咗要應對日常唔同種類嘅病人同病情之外，仲要應對一班反派角色！如果可以拍到第六季，即係受歡迎程度不低。而且呢套劇節奏明快，即使未及收看之前幾季亦不會有太大問題。

《前男友狂》由香港人比較陌生嘅新木優子及高良健吾等人演出。新木優子喺劇中對前度藕斷絲蓮，更時常跟蹤前度。之後更化身為前度嘅同事添！小品愛情劇種，仲唔係香港人杯茶？

阿部寬為港人比較熟悉嘅作品有《東京攻略》、《Hero》等。但其實佢成名作係《不能結婚的男人》一個略帶怪癖嘅單身中佬，一直堅稱自己並不是不能結婚，只是不結婚。到咗新一輯《還是不能結婚的男人》感受到一點中年危機之後，遇上三個不同嘅女性，最終又可唔可以開花結果呢？

《福爾摩斯》電影及電視版都有，唔知日本版大家又有冇興趣？《Sherlock》由藤岡靛及山田剛典主演，喜歡偵探類劇集嘅fans就唔可以錯過。不過就算劇集模式司空見慣，至少入邊兩位靚仔應該都可以吸引到啲女觀眾掛！

《時效警察開始了》以懸疑喜劇為主軸，小田切讓飾演一個不以査案為目標，但求證明自己查案推論正確的怪警察。2006年時《效警察》推出第一季已經可以迷倒唔少粉絲，新嘅一輯又會有啲咩笑料呢？