回應撐警合照 曹永廉：我們一班只是做應該做的事

反修例運動持續多月，藝人嘅政治取向當然備受關注。喺上星期五（19日）就有眼利網民發現藝人們到灣仔警察總部，拎住撐警banner與公共關係科高級警司等警務人員合照。撐警大合照中嘅藝人包括曹永廉、楊明、莊思明、姚瑩瑩、李霖恩及飲食作家朱庭萱（玻璃朱）等等，照片好快就喺社交網站流傳及即時引起唔少網民熱烈討論，玻璃朱亦即時留言：「班藝員係秘密探訪，唔出鏡㗎害死人喇！」。

曹永廉出席完撐警活動後，即時被至少5個品牌出聲明同佢「割席」。今時今日搵食艱難，被品牌劃清界線真係可以話直接減少自己收入。事隔幾日，曹永廉終於為自己發聲。佢選擇喺微博留言：「所有曾經合作過嘅客戶品牌在合作其間對我很好，只是約滿和有些單一合作完成，天下無不散之筵席，做生意好艱難，請大家手下留情，互相支持，品牌客戶是很好的， 謝謝一班支持我和爱錫我的人。」去到今日凌晨時分，佢再次喺微博出PO回應，不過今次係用簡體字留言多謝大家：「謝謝大家，我們一班只是做應該做的事，不是什麼英雄，英雄是警察」之後唔少內地網民紛紛留言叫佢加油及支持佢。

唔知香港嘅網民收唔收貨，又會唔會真係對佢手下留情呢？