【下星期開學啦】重溫香港經典校園劇勾起讀書回憶

下星期一就係開學日，莘莘學子又要收拾心情，準備迎接新嘅學年。深信唔少上班族都好懷念以前讀書嘅日子，唔知以下呢幾套校園劇可唔可以成功勾起你哋嘅「那些年」呢？

今年播出嘅ViuTV劇集《教束》搵嚟廖啟智、陳秀雯、劉俊謙、朱栢謙及岑珈其等人主演，劇集以校園為題材，大Sell青春熱血。劇集主要講述地區名校馬修書院嘅內部鬥爭及精英學生壟斷嘅等教育弊病，不過一班逆權學生拒絕妥協，仲成功擊敗精英學生成為學生會成員，最終學生們仲戰勝獨裁校長（廖啟智飾）。唔少網民都大讚劇集有新鮮感、貼地有共鳴，係現實社會嘅縮影，更被網民稱為神劇。

劇集搵嚟收視福將歐陽震華、陶大宇、郭可盈、周永恆及趙頌茹等人主要，由李克勤主唱主題曲《開學禮》，只要聽到頭兩句「同學各位，找個位，這是你的開學禮」，已經即刻記得呢套劇集。劇集主要講述精算師賈濟材（歐陽震華飾）被調到一間經營不善嘅中學擔任校長，商業同行益為先嘅佢，只係想不停令學校收入增加，不過慢慢地被老師王若詩（郭可盈飾）、曾政良（陶大宇飾）同化，齊心合力辦好學校。劇集中有唔少學生喺校園內外嘅趣事、學生為成績及夢想而努力及老師之間嘅戀情，係唔少80及90後嘅集體回憶。

劇集由江美儀、黃智賢、呂慧儀、陳敏之、江嘉敏及何廣沛等人主演，以香港怪獸家長心態同教育制度問題為題材，絕對係「貼哂地」而唔係「堅離地」嘅獨有家庭問題劇集，例如有虎媽（江美儀飾）、港媽（陳敏之飾）及公主病媽（呂慧儀飾）式教育仔女。劇集題材貼地，講中唔少家長心聲，成功引起觀眾共鳴。另外，劇集仲有學生嘅感情線，「Venus」江嘉敏及「Hayden」何廣沛呢一pair，真係勾起大家嘅初戀回憶呀！

四葉草系列由首部曲《當四葉草碰上劍尖時》、二部曲《赤沙印記@四葉草2》及三部曲《盛裝舞步愛作戰》都十分受歡迎，係無綫嘅經典嘅校園青春劇之一。除咗以運動為題材之外，劇集仲有校園趣事及年輕愛情橋段，令到唔少年青人有共鳴，真係勾起唔少觀眾嘅甜蜜回憶。另外，由馮曦妤所唱嘅劇集主題曲《Shining Friends》當時播到街知巷聞，就算而家只要播起歌曲前奏，相信大家都會認得。

《阿Sir早晨》有四大天王之一黎明做男主角，呢套劇亦係佢喺TVB最後嘅一部劇集。90年代都算係比較少以教育為題材嘅劇集，所以唔少觀眾都覺得好有新鮮感。除咗有黎明之外，劇集仲搵咗宣萱、李綺紅及古天樂主演，講述原本失業嘅祝大保（黎明飾），因為透過章心怡（宣萱飾）介紹去咗一間中學成為代課老師。估唔到一班活潑嘅學生，令到大保有一夥真誠嘅心對待學生，仲令佢重新振作。任教期間更認識校內社工方同心（李綺虹飾），其後仲發展埋感情。

劇集嘅故事內容一直被人指劇情與電影《逃學威龍》非常相似，皆因都係警察潛入學校調查事件最後更戀上老師，被網民指有抄襲之嫌。而劇集都有局部情節係關於家長生活困難、眾人對社會不滿及辦學困難等等。不過要講到劇集嘅經典情節就一定係羅Sir（陳豪飾）警察臥底身份被揭發，令到Miss Koo（鍾嘉欣飾）即時情緒崩潰，鍾嘉欣嗰一場喊戲，再加上高呼「點解你哋唔可以呃我一世」，睇到唔少觀眾心都酸埋，紛紛推舉佢做視后。

2017年無綫電視台慶劇之一，劇集由郭晉安、蔡少芬、王祖藍、蔡瀚億及林欣彤等人主演。係一套以探討香港教育制度、師生現時於學校存在嘅壓力、家長對現實嘅無奈、眾人對現實嘅批判及對社會提出之控訴及訴求為題材嘅劇集。雖然曾經有網民覺得劇情係醜化內地同胞，但劇中各笑點、劇情都唔會太俗戲，更有人稱係一套「好港劇，夠貼地」！