今個聖誕睇咩戲 音樂劇小品撫慰人心

又到聖誕，又到聖誕，祝各位佳節平安！今年聖誕未必人人有心情慶賀，鍾意睇戲唱K去Party嘅請繼續，呢啲時候盡量維持日常生活，做好自己。

今個聖誕檔唔算好有睇頭，有著名音樂劇改編嘅《Cats》，有好多童趣嘅《超級無敵羊咩咩大電影之天外飛咩》仲有《星空》導演林書宇導演新作，會唔會有一套啱你口味？

《Cats》

貓族每年都要舉行一次聚會，眾貓們會在這一年一度的盛大聚會上挑選一隻貓重生，於是，形形色色的貓紛紛登場，用歌聲和舞蹈來講述自己的故事，希望能夠被挑選......

賣點：電影上星期於其他地區上映，第一次見外媒咁齊心，出啲mean到爆，好似「睇Cats無咗9條命」等影評，反而想睇下有幾難頂

敗筆：明明係著名音樂劇，又搵嚟眾多巨星（天后Taylor Swift都有演出！）但重點去咗視覺造型特效上面，不斷大灑金錢改完又改，改到開咗畫都仲改。。。

《超級無敵羊咩咩大電影之天外飛咩》

一陣強光照亮了平靜的小鎮，擁有不可思議力量的外星人魯拉，穿越了遙遠的銀河系，迫降在農場。笑笑羊尚恩決定在邪惡組織抓到魯拉之前，將這個可愛的外星人，平安送回她的家鄉。一場溫馨刺激又笑料百出的「宇宙級冒險」就此展開！究竟，尚恩和他的笑笑羊夥伴們，是否能及時完成這個偉大的任務呢？

賣點：由《超級無敵獎門狗》開始，不斷帶俾觀眾充滿童心嘅作品

敗筆：現今社會孩童早熟，比較適合小小童同想回復單純嘅成年人觀看

《夕霧花園》

二次世界大戰，張雲林和妹妹受困於馬來亞日軍戰俘營，兩人想像一起打造完美花園，來度過每個痛苦的日夜。戰爭結束後，逃出生天的姊姊始終對妹妹的殞命自責不已，決定代她完成心願，建造花園。她來到金馬崙高原，向隱居在「夕霧花園」的日本園藝師學習造園技術。國仇家恨，竟衍生出一段禁忌之戀。那一改再改的花園造景，又深藏了什麼密語……？

賣點：榮獲9項金馬獎提名，接近尾聲，張艾嘉知道真相後一段戲，多層次情緒演譯極震撼

敗筆：原諒、放低往事知易難行，怕沉重嘅朋友可能宜擇日再睇