雅虎香港新聞 【鑽石山好去處】台灣美食節歎稻仔飯！自攜餐具送水果
米飯係我哋不可或缺嘅主要食糧，雖然我哋每一日都食，不過你又有無試過充滿人情味嘅米飯，配上農莊嘅地道食材？鑽石山荷里活廣場將於11月2、3號一連兩日舉行台灣農莊美食節，到時會有15間來自台灣嘅特色農莊同埋美食單位，即場炮製唔同種類嘅割稻仔飯，大家可以品嘗以印度香米味而著稱的「七葉蘭香米」、以獨家配方醃制山豬肉嘅「雜菜慢烤豬肉飯」、「元氣菌菇飯」等，體驗台灣農村飲食文化。同時，場內亦有農村廚房工作坊，教大家點樣製作台灣農村料理，大家只要即場捐款$30即可參加。活動中為咗支持環保，大家只要自行攜帶環保餐盒以及餐具， 就有機會獲得東勢區農會當歸水果一個，不過只限每日頭100位參加者，送完就無㗎啦！
活動嘅現場仲有花穗拍攝區，大家可以喺花卉同埋稻穗嘅背景前面影靚相做紀念。
黃金香腸飯，佢嘅重點係黃金醬汁，係真正令到大家食唔停口嘅原因。
貓空採茶飯竟然會有一陣陣芳香濃郁嘅茶香，係值得一試嘅農村古早風味料理。
【台灣情「農」豐收美食節@荷里活廣場】活動詳情
開放日期：11月2至3日 (星期六至日)
活動地點：鑽石山荷里活廣場一樓明星廣場
更多相關文章
【機票優惠】HK Express全線航點單程低至$98 農歷初六出發！ 四國高松來回連稅$933
【香港慈善跑】赤柱Pink Run 5公里慈善跑＋嘉年華！助貧困家庭防癌
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊
