滿街遊客、塞車塞到癲、餐廳通通滿席 京都人表示：好討厭櫻花季

一年容易又四月，對於鍾意去日本嘅朋友來講，又係時候要出發去賞櫻花。今年京都櫻花比往年遲，往年呢個時間已漫天粉紅，而家只見快將綻開的花蕾，預計要等多一個星期先係賞櫻的最好時機。

不過今年除咗花期推遲，連足有27年歷史的賞櫻盛事「祇園白川櫻花祭夜間點燈」都被取消，原因係隨着京都遊客每年增加，加上曾經因為太多遊客而發生誤墮河川嘅事件，考量到安全問題，所以最近有關當局就臨時宣布取消今年嘅夜間點燈活動。事實上，每年四月櫻花季都吸引約30萬旅客，遊人開心賞櫻，住在當地的京都人卻表示話好討厭櫻花季，點解？一齊睇下啦！

1. 人多到迫唔上巴士

人多到巴士都逼唔上呢個情形大家係咪覺得好熟口熟面呢，其實就同我哋平時多人到迫唔上地鐵嘅道理一樣，嗰種恐怖相信大家唔使去京都都完全感受得到。

2. 街道天天塞車

各位住港島區別嘅朋友相信對於呢樣嘢同樣一啲都唔陌生，事關平日繁忙時間嘅港島區交通就完完全全係咁樣。每日嘅瘋狂塞車自然好容易令人燥底，而且又容易遲到，比著係你都炆啦。

3. 滿街、滿餐廳都是遊客

星期一至五課返工放工已經塞車，去到星期六日諗住放假可以輕鬆下，點知出到街又係成條街都係人，想食間好少少嘅餐廳又係要等，仲要係你身邊講嘅全部都唔係你同朋友講嘅本地語言，搞到連出街嘅心情都冇晒。

4. 櫻花雖美但已無感

日本嘅櫻花美態可以話係冠絕全球，但日本人由細睇櫻花睇到大，早已無咩感覺，最多都你搵個遊人少少的櫻花樹下野餐吓。

5. 滿街龍友

影相呢樣野慾速則不達，街係路邊影也不足為奇，但對於經常踩單車出入的京都人來說，呢班「攝影師」真係好阻街呀！

相關文章

【遊日必試】京都人氣抹茶店「祇園辻利」x Mister Donut 4月7日推出

日本最美10景｜在這裡，怎樣拍都能照出好風光