雅虎香港新聞 沙特阿拉伯開放觀光！女遊客不用黑袍蒙面
繼北韓、古巴之後，沙特阿拉伯於上星期宣佈向全球49個國家開放旅遊簽證，代表正式讓遊客入國！沙特近幾年其實都陸續開放起嚟，例如允許女性開車等都係前所未有，對於一個封閉嘅回教國家可以話非常難得。9月尾沙特就宣布首次開放旅遊簽證，遊客可以入境。一直以嚟，沙特Visa只開放畀公務人士、宗教、外交人士入境，遊客不得入內參觀。而新開放嘅簽證，包括一眾西方歐美國家，亦包括港澳台三地，申請人可以於網上申請及付款，就可以得到電子Visa，為期一年可以使用，無限次入境，每次最多90日，費用約$1,000港幣。沙特旅遊局指，女性遊客無須穿黑袍蒙面，但要有得體衣著，即係唔可太暴露，短裙熱褲背心就要收埋喇。不過大家都好關心嘅聖城麥加就仍然唔包括開放範圍之內，除非有特殊宗教團體申請，否則一般遊客都係唔可以去呢。
沙特阿拉伯首次開放旅遊業，遊客可以入境觀光。
女性遊客可以入境，唔需要黑袍蒙面。
聖城麥加依然唔可以參觀，再期待一下啦。
相關文章：
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
