【本地好去處】中上環潮店一日遊 全港首創甜筒造型Taco/本土懷舊小店/金工工作坊

【本地好去處】中上環潮店一日遊
【本地好去處】中上環潮店一日遊

中上環係潮物藝術品味小店集中地,搵假期好節目就一定唔少得佢。今次介紹嘅中上環一日遊行程,會到新開嘅Taco小店品嚐全港首創甜筒造型Taco,亦會到本土懷舊小店以及The North Face x Gucci聯乘限定店,還有參加金工工作坊,來一個集給食買玩的潮人之旅!

-------

下載全新Yahoo App

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

--------

前文華大廚主理 全港首創甜筒造型Taco

如果你係雪糕雞蛋仔嘅粉絲,對於中環歌賦街嘅Oddies應該絕不陌生。唔講唔知,Oddies 於去年關閉後,今年1月以全新品牌Hunger Point面世! 新店搵來曾於香港置地文華東方酒店工作嘅大廚加盟,設計出全港首創甜筒造型Taco。Taco共有7種口味,不少加入港式元素,好似「XO醬臘腸大蝦」,XO醬以金華火腿、鹹魚,以及青麻花椒等六至七款香料自家秘製成,用來香炒大蝦,份外惹味香口,最正係餅底可選軟餅底或甜筒造型嘅脆餅底,想影打卡靚相嘅話,必選後者!

另一招牌菜Taco Rice,單單係飯底都花盡心思,以絲苗米、茉莉香米、日本珍珠米共三種米混合而成,再用鹼性電解水代替自來水煮飯,出來嘅飯底軟硬適中,亦富米香,當中「Iron Pig」加入以15種香料醃製、慢煮6小時再煎香而成嘅本地豬腩肉,質感嫩滑,香料味紛陳,配上烤粟米蕃茄、茅屋芝士等材料,份量頗多,男士唔怕食唔飽!至於雪糕雞蛋仔,共五種口味,仍保持一貫水準,外脆內軟,極富蛋香!值得一提,由於店主係Be@rbrick迷,店內放有不少Be@rbrick 1000%作裝飾,記得留意啦。

全港首創甜筒造型Taco
全港首創甜筒造型Taco
全港首創甜筒造型Taco
全港首創甜筒造型Taco
全港首創甜筒造型Taco
全港首創甜筒造型Taco
全港首創甜筒造型Taco
全港首創甜筒造型Taco
全港首創甜筒造型Taco
全港首創甜筒造型Taco

Hunger Point
地址: 中環歌賦街45號號地下
網址: 按這裡

金工工作坊 DIY銅碟/髮結/線香座

自問對金工很有興趣嘅話,從Hunger Point步行約4分鐘到PMQ嘅Playback Concept,這裡提供不少金工工作坊,當中有鍛敲銅碟工作坊、鎚目髮結工作坊、純錫聲波碟工作坊、線香座工作坊等,2人即可開班,課程約1-2小時不等,只需預早於官網預約即可。當中鍛敲銅碟工作坊,學員可在三款形狀銅片上選定一款搥上紋理.將銅片壓成淺碟形狀,再在碟上畫上圖案,最後進行銅染色及封色,整個過程可由淺入深了解銅器製作,無任何金工經驗都可參加!

金工工作坊
金工工作坊
金工工作坊
金工工作坊
金工工作坊
金工工作坊

Playback Concept
地址: PMQ 中環元創坊A座S212
網址: 按這裡

本土懷舊小店 賣懷舊小物+本地設計品

從PMQ步行一分,便到達位於城皇街嘅本土小店「軾Dongpo」。店子去年年底才開業,位於一幢超過50年歷史嘅舊建築內,無論店外嘅藍色鐵閘,以至店內嘅花紋地磚,全都充滿懷舊韻味。店主為古物愛好者,希望透過小店讓客人在購物嘅同時,也能懷念昔日生活。店內出售不少懷舊物品及玩具、港式懷舊小食,亦有提供空間予本地創作者寄賣作品,達至新舊交融,行下行下話唔定搵到筍野!

本土懷舊小店
本土懷舊小店
本土懷舊小店
本土懷舊小店
本土懷舊小店
本土懷舊小店

軾Dongpo
網址: 上環城皇街17號地下
開放時間: 逢星期五至日12nn - 6pm
網址: 按這裡

The North Face x Gucci聯乘 兩層高限定店

作為潮人,來到中上環點可以唔去The North Face x Gucci聯名系列限定店潮聖。店子位於中環閣麟街,兩層高限定店由外牆至地板都鋪滿該系列嘅花卉圖案,加埋鳥語花香嘅音樂,唔買都要嚟感受下置身潮流森林嘅感覺。今個聯名系列款式非常多元化,既有羽絨外套及裙子等服飾外,亦有帳幕、爬山鞋及睡袋等,而為了實行可持續時尚,其袋款設計均用上Econyl再生尼龍,而包裝及購物袋亦以減少污染環境嘅物料製成,不妨去欣賞下吧!

The North Face x Gucci聯名系列限定店
The North Face x Gucci聯名系列限定店
The North Face x Gucci聯名系列限定店
The North Face x Gucci聯名系列限定店
The North Face x Gucci聯名系列限定店
The North Face x Gucci聯名系列限定店
The North Face x Gucci聯名系列限定店
The North Face x Gucci聯名系列限定店

香港The North Face x Gucci Pin期間限定店
地址: 中環閣麟街36號
日期: 即日起至2月21日


更多相關文章

【本地好去處】尖沙咀親子童心一日遊 全新香港樂高探索中心/小王子限定展/小丸子期間限定店

【社交媒體移民潮】Signal貼圖合集 20個港人必下載的創意貼圖

【情人節2021】愉景灣推情人節活動 免費換愛情心鎖+餐飲回贈

【印花換購】便利店換Sanrio開運小瓷罌 購物加$38隨機換購

【本地好去處】錦田最強打卡行程 山系風鈴祭+迷你粉紅波斯菊花田+壁畫村

【本地好去處】Peppa Pig殺入鑽石山賀年 5米高金元寶熱氣球+3.5米高桃花樹

【本地好去處】錦田最強打卡行程 山系風鈴祭+迷你粉紅波斯菊花田+壁畫村

【本地好去處】流水響至鳳園一日遊 紅色落羽松/欣賞過百種蜻蜓或蝴蝶

【新年習俗】各國新年慶祝方式+禁忌 日本人初詣/韓國人吃年糕湯/越南飲苦瓜湯

【農曆新年2021】Sanrio主角登陸九龍灣 HELLO KITTY天燈亭/布甸狗搖錢樹/期間限定店