【周末活動】樂迷注意！本地3場音樂會必去 免費聽陳蕾、黎曉陽

周末又到喇！過完復活節個長假，上星期大部分都係親子活動，相信無小朋友嘅讀都盡量避開呢啲地方，不過今個Weekend大家就應該可以出返嚟玩喇！今個星期我哋就介紹3場音樂會，其中兩場都係免費。不如做定功課揀定一場，早少少去霸個靚位，為過去一星期差差電！

K11免費音樂會 霸定位睇陳蕾、阿水

尖沙咀嘅K11一向主打藝術，音樂當然係其中一樣必備元素，今個星期六4月27日就舉辦musicK11嘅「ME Time: Me Concert」，喺商場嘅天幕公眾廣場上上演3個鐘嘅免費音樂會，出演嘅嘉賓來頭唔少，包括「觸執毛」前主音阿水、Nowhere Boys、陳蕾、黎曉陽、Dusty Bottle五個單位，呢個排場就算收錢都大把人畀啦，何況免費？

musicK11今次請嚟5大單位，來頭唔細。

前觸執毛主音阿水都係其中一位。

陳蕾近年好活躍，累積唔少Fans。

musicK11 ME Time: Me Concert

日期：4月27日

地點：尖沙咀K11

時間：3PM-6PM

有機打有歌聽 動漫音樂節

唔少香港年輕人都係動漫迷，就算唔係動漫迷都會打下機，因此近年唔少動漫電競展都應運而生，例如上年會展嘅動漫音樂節。不過錯過咗嘅朋友唔緊要，今個Weekend就有一個免費嘅動漫音樂節「新東之約」。活動主打Cosplay、打機、動漫音樂，請嚟本地E-Sports女子組合Pandacute、Cosplay Team Balance打機兼跳舞。另外當然有打機活動「食雞」、賽車等。

難得又有動漫音樂節，不過今次免費！

Pandacute係香港首隊職業電競隊，仲要係靚女。

Cosplay Team Balance係本地出名嘅Cosplayer。

新東之約動漫音樂節

日期：4月27日

地點：香港科學園12W大展覽廳

時間：1PM-6PM

歐美歌手齊集 爵士樂馬拉松

香港唔少人都好鍾意聽Jazz，尤其係到咗中年或以上，開始慢慢識得欣賞。今個星期六、日就有爵士樂馬拉松，請嚟歐美一眾爵士樂大師級樂團，例如雷柏熹爵士大樂團、新四方四重奏等，全部都係世界級大師。除咗爵士樂嘅歐美樂團，仲有特別嘉賓RubberBand。話明爵士樂馬拉松，唔單止有歌聽，仲有有關爵士樂嘅演講及工作坊。

今次音樂會海外爵士樂名家聚首一堂。

4月27日演出單位，有RubberBand做嘉賓。

全部單位來自世界不同國家。

爵士樂馬拉松

日期：4月27、28日

地點：灣仔伊利沙白體育館

時間：工作坊/演講開始為3PM、音樂會開始為5PM

購票：按這裡

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！