雅虎香港新聞 【低頭族注意】日本正考慮立法 行路玩電話隨時犯法！
日本係香港人最愛旅遊地點，相信都無咩人反對；同時另一樣港人最愛就係電話，全球手機滲透率第一位；結論就係香港人去到日本，一樣繼續玩電話，不過日後可能就要小心犯法喇！
日本各地都有唔少聲音，要求政府立法，嚴禁邊行邊玩電話，單係東京站5年內有近200人因邊用電話邊行路而受傷；日本盲人會連合亦有聲音指，每兩位盲人就有一位試過喺街上被低頭族撞到，而盲人用盲人杖敲打地面發出聲音，就係希望路人注意，但明顯低頭族太專注電話根本無留心周圍有任何聲音。
JR惠比壽站有一項統計，發明85%人會一邊過馬路一邊玩電話；情況嚴重。唔少學者都話罰款係最有效，形成一種習慣同價值觀，等日本人知道行路玩電話係不被接納。各位香港人要留心日本幾時立法，因為好可能9成9香港人都會犯法呢！
單係東京站5年內有近200人因邊用電話邊行路而受傷。
JR惠比壽站有一項統計，發明85%人會一邊過馬路一邊玩電話。
唔少學者都話罰款係最有效，形成一種習慣同價值觀。
相關文章：
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
