雅虎香港新聞 
40歲以上打工仔 每週工時不宜超過30小時
晚晚OT非人生活，剝削打工仔女嘅私人時間，已經夠慘。最近更有外國研究指出，年過40歲嘅打工仔女，最理想係一星期返3日工，皆因長時間工作會過度刺激大腦，使其認知能力下降，包括喪失集中力及記憶力，連一啲重要嘅事都記唔住，大大影響工作甚至生活。
據The Melbourne Institute of Applied Economics and Social Research一項研究，找來3500位女性和3000位男性，全部年齡均在40歲或以上。研究人員對佢哋進行了一連串大腦認知功能測試，例如大聲朗讀、字母和數字快速配對等，仲有觀察佢哋嘅工作情況。
結果發現，以40歲或以上打工仔女來講，每週工作30小時可謂對其大腦最好嘅時限；若然一旦工作超過30小時，其工作表現則會變差。研究證實，每週工作55小時，或返工返足一星期，更會讓其認知功能變差，損害程度或比失業或退工作休人士更糟。
30小時，相當於每日返6小時，隨時返工未Warm up，就可以收工。但其實可惜全香港有幾多個全職打工仔，可以一星期返少過30小時嘅工呢？
唔想咁快變得遲鈍無記性，得閒可以做吓數獨（Sudoku）或填字遊戲刺激大腦，或者放自己一個大假，盡情休息。
===================
19網輕鬆爆料熱線，歡迎舉報老細同事19惡行，立即click入去講畀我哋知啦
