2歲混血小女孩罹患罕見白血病 香港媽媽祈求港人捐血跨國救命

雖然大家忙緊抗疫，停一停可以嗎？有位小朋友等緊各位救命。2歲小女孩Livia同德國裔爸爸以及來自香港嘅媽媽喺英國倫敦生活，本來鍾意游水同跳舞嘅Livia，係家人心中嘅「快樂小天使」。但係今年2月開始，Livia經常發燒，醫生認為係細菌感染，開咗特效藥，但係情況未有好轉，有時更會喊住話「腳仔痛！」。經過多番檢查，Livia證實患上罕見嘅「急性骨髓性白血病第七型」，身體出現難以承受嘅痛楚。小小年紀嘅佢喺三月尾開始進行化療，雖然輕微緩和了Livia嘅骨痛，但係頭髪開始脫落，聽到最愛嘅Baby Shark 都提唔起勁。現時疫情嚴峻，醫院只准許Livia爸爸喺醫院照顧Livia，心痛自責嘅媽媽只可隔住鏡頭睇住囡囡。

更不幸係，醫生吿知Livia父母，化療已不足以維持生命，唯一能拯救佢嘅方法，係喺今年六月前進行骨髓移植手術。Livia嘅家人於是喺facebook開專頁，希望喺香港嘅朋友，去到紅十字捐血中心捐血以及填妥骨髓捐贈者資料庫同意書，由於自願捐贈者的白血球組織型資料被儲存於「香港骨髓捐贈者資料庫」，資料庫會與世界各地聯網，祇要你登記，即使喺香港，就有機會救到英國嘅 Livia！原post傳送門