黃國英轉打「雙前鋒」

走到街上，恰巧看到別人股票追蹤名單，原來正在看阿里巴巴。

人人都講阿里巴巴，網上亦正在熱議黃國英其管理的基金HOLD阿里和騰訊實際持倉各約6%至7%，可謂「雙龍出海」。

有散戶揶揄是否繼騰訊後又一力作？係咪又係見頂訊號？

話說前年6月黃國英睇騰訊「會上500蚊」，其基金持股騰訊佔組合比重約11至12%，令業界嘩然，史稱「打單箭頭」；點知同月港股出現分水嶺，恒指較當年一月高位累挫20.81%，騰訊亦於高位累挫兩成。騰訊做「前鋒」入唔到波唯有死守，黃國英於8月的騰訊目標價已由500蚊變成380蚊，與睇300蚊的沈大師作好淡對決，同年11月黃再教路小注買入騰訊，去年仍然堅持要搏騰訊轉型「幾抵賭」。

所以今日黃國英再次在散戶面前出現「賭很大」，難怪會有人擔心，會唔會係騰訊翻版？

睇黃國英最新心路感慨「現在股市中實在太多人夠膽贏夠膽輸，倘若勇氣上不及對手的話，勝算已經低了一大截」，可見已經重拾勇氣，根據他早前透露會「減持香港公司」的新年策略，所以加重阿里巴巴也是情理之中（事實上是減持了少許，但他說很後悔）。

不過，如果事件重演都幾大鑊，因為今次黃國英唔係「打單箭頭」，而係「雙前鋒」，如果「雙前鋒」都入唔到波，防守又相對簿弱，真係好難再穩守突擊。

寶刀屠龍，號令天下，然而倚天一出，誰與爭峰，「英之見」再現江湖，剩下來看沈大師會不會再有開示了。

===============

精選資訊網站「中環街市」 臉書粉絲頁