【香討心聲】失業率已經開始升⋯⋯

政府最新數字，失業率由4至6月嘅2.8%，上升到5至7月嘅2.9%，雖然只係輕微上升，但大家都知道呢類從來都係滯後數據，未來失業情況，比呢組數字反映更加嚴重。

尋日講到年輕人工作情況，但原來再搵搵，有打工仔已經無得hea，因為老細腦海入面「共渡時艱」四個字已經殺到﹗

「共渡時艱」通常係老細唔想加人工，又或者自己使大咗搵公司填數嘅籍口，HR都聽到慣晒，不過呢次唔係狼來了，係真艱難。

有港島區零售業早幾日喺香討開帖，哭訴公司已講明唔出bonus，隨時下半年仲要減薪。

有人安慰佢，無被cut已唔錯，有人就話係班示威者搞到咁，希望老細裁員前，可以睇下佢個facebook先決定。

但有人就反駁，香港本身經濟已經下行緊，根本無示威都改變唔到將會出現嘅經濟現象，而且你老闆有邊年無話過「共渡時艱」？

有人將失業分為7個階段，到咗第7個階段，打工仔連大家樂二手飯都要爭住食

以下是其他香討心聲：

「我哋當年沙士，炒完人之後剩低個個人工７折，冇OT都個個唔敢放工！悲慘世界！」

「自己打緊政府工，無乜影響」

「今次真係生於亂世了」

「日日係咁唱失業，你哋又幫唔到香港社會，有屁用咩。」

「根住林鄭put 食2，3千點，都賺幾年人工啦，洗好似隻狗咁咩」

「好多已玩緊nopaid leave」

小編覺得，大家要開始自保，睇下邊款即食麵特價，開始研究點煮仲實際。

來源：香討

===================

19網輕鬆爆料熱線，歡迎舉報老細同事19惡行，立即click入去講畀我哋知啦