香港人真的會報考內地公務員嗎?

尋日大灣區規劃綱要出爐,話研究香港人報考內地公務員工作,於前海、廣州南沙、珠海橫琴建立「就業試驗區」。

報考內地公務員,聽上去好似大把世界,但你有無諗過,香港人去到可以點同內地人競爭?就算成功考入體制,但份工係要打落去,每日都可能會面對扮工室政治,又有咩人可以幫你?

翻查資料,今年國家公務員局公佈數字為錄用1.45萬餘人,通過審查報名人數同計劃錄用人數為951,即係話競爭相當激烈﹗實際考試同計劃錄用人數為631,換言之最少63人去爭一個位。

香港人唔係唔叻,但猛虎真係不及地頭蟲。道理同你轉工去新公司,俾人蝦一樣。

如果香港人可以全國報考,單單去邊度打工都已經令你頭痛。

前幾年內地公務員考試,偏遠地區少啲人考,好多人當「水抱」照做,今年呢?原來連統計調查、海關,又或者遠至新疆、西藏稅務等冷門工,都要幾個人爭一個位。

係因為今年整體提高咗學歷要求,同減少人數所致。

香港人會去西藏負責稅務嗎?

內地做公務員,其中一條好重要好重要守則係盡量唔好離鄉太遠,因為本地親戚人脈,全部都對你有幫助,但香港人呢?人在異地舉目無親,好易被邊緣化,就算你有親戚,多年無見,又可以幫到你幾多?

鄉鎮(街道)、兩辦(廳)、紀委監委、組織部全部都有不同的職場文化,得罪領導,唔係一句「同胞」就可以包容。

內地做公務員,仲有一條潛規則,就係單身女子盡量唔好跨省跨得太遠返工,原因大家自己猜猜。

問題是,除非大灣區業務本身,就需要配合公務,如此一來香港人北上發展,順道也多個選擇……如果你一心在內地成家立室,新政策是為你打開了生活之門。

但好地地香港人,點解要北上大灣區做公務員呢?

===================

19網輕鬆爆料熱線,歡迎舉報老細同事19惡行,立即click入去講畀我哋知啦

【相關搜尋】國家主席工資1萬