Yahoo 行動版

45人追蹤

睇下有無共通點?PR阿頭三大惡行

某大型慈善機構嘅PR阿頭,眾所周知被行內稱為「女魔頭」,令同事聞風喪膽。最近收到風,呢位阿頭會轉去院校做老闆,同事知道咗之後,笑到口都合唔埋,仲話「終於有好日子過」。 

要數呢位阿頭惡行,話33夜都講唔晒,小編聽完歸納咗以下幾點,睇睇同你上司有無共通點: 

1)只識鬧人拍枱,唔係一兩句、一兩個鐘果啲鬧,而係每日由朝鬧到晚,完全冇停過,彷彿返工只係聽佢鬧人,同事活喺一片責罵聲當中,好多情緒都被影響。 

2)卸膊,簡單來講,一出事就割蓆,絕不攬任何人,仲會賴你做咩唔提佢。 

3)當自己女王,因為鬧人鬧到連睇email都冇時間,要同事入佢房,將所有文件一字不漏咁喺佢耳邊真人發聲,當然係邊讀文件邊俾佢鬧。 

面對如此惡頂女阿頭,知道佢辭職,同事當然開心到死,但另一邊院校嘅同事似乎亦收到風,知道大禍臨頭,有人亦開始諗定去路,至於邊間院校,小編就不便透露了。

所以打工仔謹記,呢一刻嘅痛苦同自由都唔係一世,隨時會因為一個人嘅管治而人心惶惶,打工仔唔好咁老定呀。

===================

19網輕鬆爆料熱線,歡迎舉報老細同事19惡行,立即click入去講畀我哋知啦