【熱話】外國人畀唔畀家用？

最近有親子論壇又重燃到底使唔使比家用呢個問題，睇到小編非常羨幕。

外國人於福利社會長大，好多時仔女大個之後，都唔會畀父母家用。早年有條片訪問外國人，外國人異口同聲話無「家用」呢個文化，除非父母老咗有特別需要，否則頂多只會買食物孝敬父母。

親子論壇一眾家長，原來都有唔少朋友有親身經歷：

「我有朋友嫁比芬蘭人, 冇家用不特止, 仲好多嘢要AA」

「我識都係唔俾多，每代都係咁就變得好正常」

「我之前同英國朋友講我將補習部份錢畀我父母，佢話我唔應該咁做，因為啲錢係我賺，所以係應該我全數擁有。而呢個朋友係父母幫手交租同畀洗費，自己暑假有賺錢，全數 keep。」

「我朋友C6當初買樓首期，供樓，家里開支，旅行佢都是AA, 好在佢份人工算高。但都常常同我呻，想離婚。佢是美藉，外國文化」

不過，當有持反對意見：

「你我身邊既外國人都好照顧家人，出錢出力，美，英，德，日都有，覺得外國人吾照顧家人，係謬誤。」

到底中國人係幾時開始要俾家用呢？

睇過《二十四孝》嘅典故，你可能就知道，周朝時候，孔子學生子路，小時候屋企好窮，日日要食野菜，為咗孝敬父母，有米飯落肚，子路經常跋山涉水，走過百里路，背米回來奉養雙親，後來子路富貴了，有食之不盡嘅米，但父母早已不在人世，子路對此非常傷心。

還有一個故事，漢朝時候有一家人，個阿媽鍾意食魚，又鍾意飲離屋企好遠嘅長江水，媳婦知奶奶鍾意飲，於是每日走好遠去取水，仲成日買好餸俾奶奶食；有一日，因為媳婦孝感動天，屋企附近突然湧出甘甜的泉水，仲每日有鯉魚游出，俾媳婦供養奶奶。

睇好多中國小故事你會發現，除咗要尊敬長輩，中國人一早就要俾家用，所謂「養父母之身」就係咁解，傳統文化走唔甩。又或者咁講，華人社會，你18歲之後，好多父母都會繼續養你，久而久之，你點都要知恩圖報，唔養都唔安樂﹗

（比幾多先夠？又係另一個問題了，如果你供樓負擔佔收入比率差唔多40%，小編覺得，收入嘅40%做家用已經係極限。） 來源：親子王國

===================

19網輕鬆爆料熱線，歡迎舉報老細同事19惡行，立即click入去講畀我哋知啦