為救細佬冇餐好食 貴州女生貧病去世 公眾100萬捐款只收到2萬惹質疑

 

呢期內地有單新聞,一名貴州女大專生吳花燕因為家貧而且又要照顧有精神病嘅細佬,5年來只係食辣椒送飯,終於營養不良,體重過輕。早幾日,吳花燕因病逝世,年僅24歲。   佢嘅死訊傳出之後,估唔到仲有後續新聞爆出。話說吳花燕嘅故事早幾月被傳媒報導之後,有機構為佢舉行籌款。幾日時間就籌到47萬人民幣。   但係呢期有報導話,負責籌款嘅平台9958,原來進行咗3次募捐活動,一共籌得100萬元人民幣。當中,有2次係9958喺另一個平台搞籌款,籌到40萬人仔,而吳花燕本人同家人毫不知情。   籌得多無所謂,不過9958只係喺11月中向吳家轉交2萬蚊……   9958承認為吳花燕募集咗100萬元的捐款,仲收取募捐總額的6%作為成本費用。而為吳花燕治療事宜,9958將2萬蚊轉入貴陽第二人民醫院。至於其他錢去咗邊?9958話,同吳花燕以及家屬溝通過,因為身體情況唔適合做手術,所以想等到做手術先再用呢筆錢。工作人員表示,吳花燕去世之後,剩餘善款仍然喺平台賬戶上,9958將派人同吳花燕的家屬商議解決。9958仲話「有其他捐贈者打電話,願意將呢筆錢轉交到其他有需要嘅孩子」。此外亦澄清吳花燕係知道所有進行嘅募捐,仲有吳花燕本人簽字。   除此之外,亦有人另外發起「護燕行動」,聲稱籌到45萬, 但吳家表示無收過。   唉,做善事但係落唔到有需要嘅人手上, 遲早出現《狼來了》。 原文傳送門