【最新招聘】警隊又請人 你做唔做？

唔知警隊係唔係好需要人手，原以為之前春季招募日已經請夠人，點知尋日小編喺政府職位空缺度見到，最新於6月18日發出警隊招聘以下職位…

• 警員：起薪點每月24110元，最多跳至每月34475元，香港中學文憑考試五科考獲第2級或同等就考得

• 督察：起薪點每月42665元，最多跳至每月84250元；可能因為高薪厚職，之前春季招募日成大學生搶手職位，40人爭一份督察

• 二級工人 ：起薪點每月13040元，最多跳至每月15365元，小六畢業已經申請得，工作內容負責一般行政支援、信差、影印等

以上三份空缺，都係即日起全年接受申請，直至另行通知。

但大家要留意，根據警隊網頁描述，除了上述要求，是否勝任做警員，原來仲要睇你做唔做到「於危機四伏的情況下處變不驚」、「肩負起保護市民，維護法紀的重責」﹗

根據警隊招聘：

「成為警隊成員，不但受到社會的尊敬，亦會獲得極為吸引的薪酬及福利津貼，及良好的晉升前景」

小編老實講，警察份糧真係唔錯，又咁鬼多「福利」，唯一缺點應該係港大民研計劃剛剛公佈警隊民望四年新低，近日形象插水，又要成日OT，如果睇份糧，真係無得輸～～

（招聘連結）

===================

19網輕鬆爆料熱線，歡迎舉報老細同事19惡行，立即click入去講畀我哋知啦