Yahoo 行動版

49人追蹤

【扮工收風】老闆放假去美國 經理晚晚OT搏上位

臨近年尾,同事們搶住清大假,老闆當然亦唔例外。但打工仔都知,老闆放假並唔代表自由,因為佢會繼續遙距控制公司大小事務,如果你係去唔同time zone旅制行,咁仲大鑊,意味你隨時要凌晨辦公。

某公營機構嘅經理就係咁,因為總監去咗美國旅行兩星期,於是呢位等上位嘅經理,竟然每日開OT,凌晨辦公,講緊係每一日。

佢朝早九點返到公司,處理晒所有公事,然後列出一堆要同總監匯報嘅事項。之後夜晚放工,食過快飯之後,又飛返屋企、開晒電腦,等總監起身online,直接繞過咗高級經理「交功課」。

第二日高級經理想交功課之際,總監已經一個email彈返轉頭,串咗一句類似「仲等你咩」嘅意思嘅email,高級經理先發現下屬原來凌晨辦公,捷足先登咗。

所以呢件事令到高級經理好不悅,但經理都絕不讓步,繼續晚晚凌晨交功課,擺明唔再放上司在眼內。其他同事,緊係當食花生咁食啦!

===================

19網輕鬆爆料熱線,歡迎舉報老細同事19惡行,立即click入去講畀我哋知啦