【扮工收風】公營機構上司得罪下屬 不斷收投訴信

依家做上司愈來愈難做,尤其係做政府工或公營機構,因為下屬隨時仲惡過你,唔止幫唔到你手,仲會同你過唔去,玩返你轉頭。

小編有朋友就個個月收到下屬嘅投訴信,投訴自己,一個月至少三次,每次都列明「x宗罪」及一堆問題,全部都極具針對性,搞到朋友每月都要有幾日OT,用「千字文」白紙黑字回覆。

朋友仲解釋,之所以成日收投訴信,係因為得罪咗個下屬,包括之前出咗個warning俾佢、寫衰過佢嘅apprasial之類。每次做親呢啲動作,都會有手尾跟。

朋友唔止收到自己部門嘅投訴,有時同其他部門合作,有些少磨擦,轉個頭又會收到對家投訴,結果又要official咁回覆。

朋友個個月書面回覆呢類投訴,疲於奔命。佢仲講一句:「有時升職都唔係一件好事,總會有人眼紅,然後玩嘢。」但小編就寧願做「被人眼紅」果位喇,逗住高薪覆投訴信,千字文幫自己「戴頭盔」,唔好咩?

===================

19網輕鬆爆料熱線,歡迎舉報老細同事19惡行,立即click入去講畀我哋知啦