【扮工收風】內地工作文化來港

原來唔少打工仔都好唔想內地人將內地工作文化帶來香港。有時唔係對與錯,而係文化根本唔同。

話說某院校嘅教授係內地人,有個惡習,就想無視一切規矩。佢個系有個學生係佢嘅寵兒,所以就算佢未畢業,呢位內地教授都已經開晒口話要請佢。

因為學生未畢業,所以title只可以係student assistant學生助理,但原來背後教授竟然同呢位學生一早夾定,話唔想要學生助理嘅職銜,想要研究助理,好聽一啲,但就唔介意拎學生助理人工。

後來有同事發現,先知道原來呢位學生屋企好有錢,所以剩係只介意職銜、唔介意人工。但估唔到呢位內地教授為咗請佢做嘢,就亂咁來。

呢件事好多學生都知,大家聽到都反晒白眼,覺得係雙重標準,仲密謀緊寫信投訴!

其實,呢類以為自己大晒嘅行為作風,只算係冰山一角,各位讀者遇過的,一定比小編多;之不過公道講句,香港都有呢類人,只係比較少而已。

===================

19網輕鬆爆料熱線,歡迎舉報老細同事19惡行,立即click入去講畀我哋知啦