家明？截肢男用自己小腿整兩味招呼朋友

  美國最大討論區reddit，呢期有個post好hit。亦都好重口味。   是咁的，有位巴打2年前揸電單車遇到意外重傷，不幸地要切除小腿保命。根據美國法例，接受截肢手術嘅病人，係可以要求保留自己嘅殘肢，等他日入土為安之時，可以保住全屍。   【相關搜尋】食人族的後果   原post巴打搞完手續拎返隻小腿之後，發現只有2個方法保存︰一係用冷凍法抽乾水份，一係整成標本。前者太貴，要成萬蚊港紙；後者呢？附近冇呢方面專家。   於是佢將自己小腿造個石膏模，想整成門頂同埋匙扣。之後，原post巴打搵刀切咗一忽小腿肉出嚟。   跟手就約11個朋友去佢屋企食飯。重點︰晚餐主菜係……用佢切除咗嘅小腿肉所整嘅玉米餡餅（taco）。   「我同朋友討論過『有得合法食人肉嘅話，你試唔試？』，而家……機會嚟嘞」。終於有10個人赴約，原post主將小腿肉醃一晚，再用三色椒同洋蔥炒炒佢，加埋玉米脆餅就整成呢味「人肉餅」。

我知你想問︰咩味？原post話本來以為味道好似電影描述嘅豬肉味，但係食完就覺得似牛。而質感就有啲韌，10分滿分佢俾6.5分喎。   嗱，佢d朋友係知情之下食嘅。到底煮嗰個同食嗰個，邊個癲啲？   聽完，你仲有胃口食嘢嘛？ one length提示︰睇咗reddit原post，更重口。冇咩事唔好search。 原文報導