嫌老公唔係韓劇oppa 人妻唔做家務13年
呢個年代,真係仲有人睇劇睇上腦? 內地一對夫婦,最近鬧離婚。原因係……老公頂唔順老婆。 佢地結婚13年,太太榮升媽媽之後,就開始煲韓劇,結果上晒癮。身為主婦但係唔做家務,老公出外搵食﹐收工仲要洗碗洗衫。 最慘係,佢老婆嫌佢唔似韓劇啲oppa咁高大靚仔又有米。 呢下真係一句辣著,令到人夫開聲嗌要離婚。
而呢位太太好似昏迷咗十幾年咁,呢個moment先知老公有幾不滿。佢話「因為結婚嗰陣老公話『一切由我搞掂』,我咪咩都唔做囉……」。 太太知錯想老公原諒,不過似乎老公都唔想再繼續落去喇…… 唔緊要啦,老公得一個,oppa季季唔同。返去睇劇吧啦c9。原文傳送門
19+精選推介
秒like 19+ Facebook!